Honningsvåg: Eit tettsted i Nordkapp kommune i Finnmark
Honningsvåg er ein by på Magerøya i Nordkapp kommune, nord i Finnmark.
Honningsvåg ligg 35 km sør for Nordkapplatået. Byen hadde eit folketal på 2,453 i januar 2019. Byen er senter i Nordkapp kommune. Honningsvåg vert også kalla for Áváhki eller Honnesváhki frå nordsamisk
| Honningsvåg | |||
| By | |||
 | |||
| Land |  Noreg | ||
|---|---|---|---|
| Fylke | Finnmark | ||
| Kommune | Nordkapp | ||
| Areal | 1,04 km² | ||
| Folketal | 2 245 (2023) | ||
| Folketettleik | 2 159 / km² | ||
| Postnummer | 9750 HONNINGSVÅG | ||
Honningsvåg 70°58′33″N 25°58′59″E / 70.975833333333°N 25.983055555556°E | |||
| Wiki Commons: Honningsvåg | |||
Honningsvåg har sidan 1999 vore knytt til fastlandet gjennom ein nesten 7 km lang undersjøisk tunnel. Saman med Honningsvåg ligg bustadsområda Nordvågen i aust og Storbukt i vest.
I Honningsvåg finn ein Honningsvåg barneskule og Nordkapp vidaregåande skule.
Etymologi
Namnet Honningsvåg har ikkje noko med Honning å gjere. Det kjem frå Horntindsvåg, med forklaringa «vågen under tinden forma som eit horn». Tinden heiter i dag Storfjellet.
Historie
Kyrkja i Honningsvåg frå 1885 var den einaste bygningen som stod att etter at dei tyske troppane hadde rasert byen som del av den brente jords taktikk i 1944.
Nordkapp kommune vedtok bystatus for Honningsvåg frå 1. oktober 1996.
Nordkappmuseet i Honninsvåg sentrum er staden for å lære meir om byen si historie.
"Noregs Sommerby"
I 2006 vart det heldt ein konkurranse "Norges Sommerby" av NRK Reiseradio, der Honningsvåg gjekk av med sigeren. Drammen og Fredrikstad vart utslått. Sigeren førte til at det vart setten opp eit skilt 'Norges Sommerby', ved vegen like før ein køyrer inn til byen.
I 2010-åra vart hamna i Honningsvåg utbetra for å kunne ta imot Cruiseskip. Vitjande som kjem reisande til Honningsvåg kan også bu på ein campingplass, Nordkapp Camping, nokre kilometer utanfor sentrum.
Honningsvåg i kulturen
- Reality-serien 71 grader nord der målet er å komme seg til Nordkapp har vorte spelt inn her.
- I filmen Børning frå 2014 var plottet i filmen å køyre heilt opp til Nordkapp.
- I den tyske dokumentarfilmen I want to run var målet å komme seg frå Sør-Italia til Nordkapp.
Kjelder
Denne geografiartikkelen som har med Finnmark å gjere, er ei spire. Du kan hjelpe Nynorsk Wikipedia gjennom å utvide han. This article uses material from the Wikipedia Nynorsk article Honningsvåg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.