Hamar Domprosti

Hamar domprosti er eit tenestedistrikt i Hamar bispedømme i Den norske kyrkja. Det femner kommunane Hamar, Løten og Stange i Hedmark (Innlandet fylke). Sidan prostiet er knytt til Hamar domkyrkje, er prostiet leia av ein domprost.

Prostiet vart skipa i 1864 i samband med at Hamar bispedøme vart gjenoppretta. Namnet var då Hamar stiftsprosti og prostiet bestod av Vang prestegjeld. Området var skilt ut frå Hedemarken prosti. Namnet vart endra frå stiftsprosti til domprosti i 1922.

Tidslinje

• 1864 - Oppretta som Hamar stiftsprosti, bestod av Vang prestegjeld
• 1908 - Dei nyoppretta Hamar prestegjeld og Furnes prestegjeld vart del av prostiet
• 1922 - Namnet vart endra til Hamar Domprosti
• 1972 - Hedmark prosti vart lagt ned og prestegjelda Nes, Ringsaker, Brøttum, Veldre, Løten, Romedal og Stange vart innlemma i Hamar Domprosti.
• 1987 - Stange prestegjeld vert delt, Ottestad sokn vert skilt ut som Ottestad prestegjeld.
• 2007 - Ringsaker prosti vart oppretta og sokna i Ringsaker vart overført frå Hamar Domprosti til det nye prostiet.

Prostiet er inndelt i sokn. Soknet er grunneininga i Den norske kyrkja. Dei som arbeider i kyrkja er anten tilsette av soknet gjennom kyrkjeleg fellesråd, eller dei er tilsette i prostiet. Dei fleste prestane er tilsette i prostiet, og har tenesta si knytt til eitt eller fleire sokn.

Prestetenesta var tidlegare leia lokalt gjennom prestegjeld. Ordninga vart fasa ut frå 2004. Før utfasinga hadde Hamar Domprosti desse prestegjelda:

• Hamar domkyrkje prestegjeld med
  • Hamar sokn (Hamar domkyrkje og Storhamar kyrkje)

• Vang prestegjeld i Hedmark med
  • Vang sokn (Vang kyrkje og Øvre Vang kyrkje)

• Stange prestegjeld med
  • Stange sokn
  • Tangen sokn

• Ottestad prestegjeld med
  • Ottestad sokn

• Romedal prestegjeld med
  • Romedal sokn
  • Vallset sokn

• Løten prestegjeld med
  • Løten sokn

• Nes prestegjeld på Hedmarken med
  • Nes sokn på Hedmarken

• Furnes prestegjeld med
  • Furnes sokn

• Veldre prestegjeld med
  • Veldre sokn
  • Brumunddal sokn

• Ringsaker prestegjeld med
  • Ringsaker sokn
  • Åsmarka sokn

• Brøttum prestegjeld med
  • Brøttum sokn

• Kyrkjer i Noreg etter kommune
• Kyrkjer i Noreg etter prosti

• Om Hamar Domprosti på nettstaden til Den norske kyrkja
• Om Hamar Domprosti Arkivert 2014-03-13 ved Wayback Machine. på nettstaden til Hamar kyrkjelege fellesråd