67°8′0.34080″N 20°39′3.1104″E / 67.1334280000°N 20.650864000°E / 67.1334280000; 20.650864000
Gällivare | |||
tettstad | |||
Land | Sverige | ||
---|---|---|---|
Fylke | Norrbottens län | ||
Kommune | Gällivare kommun | ||
Areal | 901 km² | ||
Folketal | 10 929 (31. desember 2020) | ||
Gällivare 67°08′00″N 20°39′00″E / 67.133333333333°N 20.65°E | |||
Wiki Commons: Gällivare | |||
Gällivare (finsk Jällivaara, nordsamisk Jiellevárre og Váhčir, meänkieli Jellivaara) er ein tettstad som ligg i Norrbottens län i landskapet Lappland i Sverige. Det er administrasjonssenter i Gällivare kommun og i 2005 hadde tettstaden 8 480 innbyggjarar.
Staden er eit jernbaneknutepunkt mellom Inlandsbanan og Malmbanan. Som for nabobyen Malmberget, har gruvedrifta òg vore viktig for utviklinga av Gällivare. Aitikgruva, det største dagbrotet i Skandinavia, ligg austsøraust for tettstaden.
Inlandsbanan er ein jernbane som strekkjer seg frå Gällivare i nord til Östersund i sør, og blir trafikkert i sommarsesongen. Malmbanan er den jernbanen som sørgjer passasjer- og malmfrakt til og frå hamnene i Narvik og Luleå.
Like ved ligg Dundret, eit fjell med tilhøyrande skianlegg, der det mellom anna er blitt halden verdscuprenn i langrenn og alpint. Junior-VM i nordiske greiner blei arrangert der i 1995. Anlegget er, avhengig av sesongvêr, ope frå 1. november til 30. april.
I tillegg til kommunen er Boliden AB og LKAB dei største arbeidsgjevarane i Gällivare.
Den største solcellefabrikken i Nord-Europa finst her. European Energy School – Energigymnaset – blei opna i 2008, og underviser studentar frå heile Sverige.
Gällivare er eit senter for vestlæstadianismen. Årleg blir det arrangert «Gällivare julesamling» med deltakarar frå Finland, Sverige, Canada, USA, Noreg og andre land. Gudstenesta blir tolka til engelsk og finsk.
This article uses material from the Wikipedia Nynorsk article Gällivare, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.