Essonne: Franske departement

Essonne
Wiki Nynorsk
Våpenskjoldet til Essonne
Plassering
Administrasjon
Departmentnummer:	91
Region:	Île-de-France
Préfecture:	Évry
Sous-préfectures:	Étampes Palaiseau
Arrondissement:	3
Kantonar:	42
Kommunar:	196
Président du conseil général:	Michel Berson
Statistikk
Folketal	Rangering 14.
-2005	1 187 807
Folketettleik:	658/km²
Landareal¹:	1 804 km²
¹ Franske landdata, som ikkje tar med elvemunningar, innsjøar, vatn og isbrear større enn 1 km².

Departementet ligg i regionen Île-de-France, og er kalla opp etter elva med same namn.

Essonne vart oppretta då det tidlegare departementet Seine-et-Oise vart delt opp 1. januar 1968, og utgjer den sørlege delen av det gamle departementet.

I 1969 vart kommunane Châteaufort og Toussus-le-Noble skild frå Essonne og lagt til departementet Yvelines.

Departementet er i dag ein del av regionen Île-de-France og grensar til departementa Hauts-de-Seine og Val-de-Marne i nord, Seine-et-Marne i aust, Loiret i sør og Eure-et-Loir og Yvelines i vest.

Dei nordlege områda av departementet ligg nær storbyområdet til Paris og er svært urbanisert. Dei sørlege områda er meir landlege.

Innbyggjarane i departementet vert på fransk kalla Essonniens.

Dei største kommunane (meir enn 25 000 innbyggjarar etter ei folketeljing i 1999) er: Évry, Corbeil-Essonnes, Massy, Savigny-sur-Orge, Sainte-Geneviève-des-Bois, Viry-Châtillon, Athis-Mons, Palaiseau, Draveil, Yerres, Les Ulis og Vigneux-sur-Seine. Milly-la-Forêt er eit døme på ein meir landleg kommune.

  Wiki Commons har multimedia som gjeld: Essonne

• Prefekturet si nettside
• Offisiell nettside