Einar Flydal: Norsk skribent og bloggar

Einar Flydal er son av filologen Leiv Flydal. Etter examen artium ved Oslo katedralskoles latinlinje i 1969 studerte Flydal ved Universitetet i Oslo og vart cand.polit. i 1983.

Flydal har arbeidd ved Arbeidsforskingsinstitutta (med tryggleik på sokkelen), i Teledirektoratet (med kontorautomasjon), i Datema AS, Logos AS og i Utdanningsdepartementet (med innføring av IT i skoleverket), ved Televerkets forskingsinstitutt (seinare Telenor FoU/R&D) og som seniorrådgjevar i strategieininga i Telenor ASAs konsernstab. Fram til 2012 var han tilknytta NTNU som universitetslektor II innan telematikk og samfunn.

I åra 2005-2010 leia Flydal den norske speilkomiteen for utvikling av internasjonal ISO-standard for organisasjonars samfunnsansvar.

Etter at han vart pensjonist har Flydal arbeidd aktivt for meir merksemd om det han hevdar er helserfarar med auka dosar elektromagnetisk stråling, eit tema han held foredrag om og skriv om på bloggen sin. Vidare har han skrive kapittelet «Elektromagnetisk stråling - gambler vi med våre barns helse?» i boka Kritiske blikk på skolen og fleire avisartiklar om emnet.

Etter utrullinga av smarte straummålarar har merksemda kring Flydal og synspunkta hans auka.

Flydal støttar seg på forskningsresultat som syner at stråling frå mobiltelefonar, trådlause nett, smarte strømmålarar og liknande utgjer ein auka helsefare, akutt og/eller over tid.

Andre etablerte vitskapelege miljø finn ingen samanheng som dei meiner bør føre til strengare retningslinjer for vern mot strålingseksponering og eit utval oppnemnd av Folkehelseinstituttet på oppdrag frå Sosialdepartementet konkluderer med at det ikkje er helserisiko ved auka eksponering av svake høgfrekvente elektromagnetiske felt. Det er dette utvalet sin rapport som ligg til grunn for norsk helsepolitikk på området.

I Oslo 2014 heldt Flydal og den amerikanske professoren Martin Pall eit foredrag i lag der dei hevda at norske myndigheter tek feil om strålingsfaren. Flydal hevdar at undersøkingar som påviser helseskadar ved lågdoseeksponering av elektromagnetisk stråling systematisk vert underrapportert i amerikanske og europeiske nyhetsmedium, og ein artikkel i The Guardian 14. juli 2018 gjev støtte til dette synet. I artikkelen vert det vidare hevda at del store telekomselskapa har tatt i bruk same strategien som tobakks- og oljeindustrien nytta for å villeie publikum om høvesvis faren med røyking og risikoen for klimaeendringar.

• Kapitlet «Elektromagnetisk stråling - gambler vi med våre barns Helse?» i boka Kritiske blikk på skolen, Z-forl., 2018, ISBN 9788293187370
• Oljespråk. Språklige lovbrudd og lovlige språkbrudd på sokkelen (sluttrapport fra Sikkerhet på sokkelen-prosjekt nr. 351 "Språk og sikkerhet") Universitetsforlaget, 1983, ISBN 82-00-06504-9
• Smartmålerne, jussen og helsa, juridisk vurdering ved advokatfirmaet Erling Grimstad AS skrevet på oppdrag av Einar Flydal, med vedlegg Flydal: «Målerne, forskningen, grenseverdiene og strålevernet», Z-forlag, 2018, ISBN 978-82-93187-39-4
• 5G og vår trådløse virkelighet – høyt spill med helse og miljø, Z-forlag, 2019, ISBN 9788293187455

• Elektromagnetisk stråling
• El-overfølsomheit
• Foreningen for el-overfølsomme

• Bloggen til Einar Flydal
• Einar Flydal. Master of Telecom Strategy & Cand. polit., researchgate.net