Barokktrompet
Barokktrompet eller clarino er ein type lang trompet utan ventilar.
Han blei brukt frå 1500- til 1700-talet, under barokken, og i dag til å spela musikk frå denne tida. Dagens barokktrompet kan vera ein naturtrompet, eller han kan ha fingerhòl.
På barokktrompeten kunne ein berre spela ein overtoneserie. Ettersom overtonane kjem tettare jo høgare oppe i registeret ein speler, får ein nok tonar til å skapa melodiar om ein hell seg i det øvste registeret. Det er svært fysisk anstrengande å spela barokktrompet. I dag bruker ein gjerne trompetar med ekstra fingerhòl, eller speler musikk skriven for han på ein moderne trompet med ventilar.
Tyske Friedemann Immer er ein kjend utøvar av barokktrompet i moderne tid. I Noreg er Kristin Hetland ein prisbelønt utøvar av barokktrompet. Oslo musikk- og kulturskole gjev opplæring i barokktrompetspel i Noreg.
Kjelder
This article uses material from the Wikipedia Nynorsk article Barokktrompet, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.