वर्ल्द वाइद वेब

वर्ल्द वाइद वेब धाःगु थः-थःय् स्वानाच्वंगु हाइपरतेक्स्तया छगू जाः ख। थ्व जाःयात इन्तरनेतं छ्यलेछिं। वेब ब्राउजर छ्यला मनूतेसं वेबपेज स्वयेफै। थन्यागु वेबपेजय् आखः, पाठ, किपा, संकिपा व मेमेगु मल्तिमिदिया वस्तुत दयाच्वनि। नापं, हाइपरलिङ्क छ्यला थन्याःगु छगू पतिं मेगु पतिइ चाहिले नं छिं। सामान्य भासय् इन्तरनेत व वर्ल्द वाइद वेबया अर्थ यक्व मपाः। अथे जुसां, वास्तवय् इन्तरनेत धाःगु हलिमय् दूगु यक्व कम्प्युतरतेगु छगू नेतवर्क व्यवस्था ख। वर्ल्द वाइद वेब धाःसा थ्व नेतवर्क व्यवस्थाय् सनिगु छगू सुविधा ख।