सर तिमोथी जन "टिम" बर्नर्स-ली ओ एम, केबिइ, FRS, FREng, FRSA (बूगु 8 जून 1955 लन्दन, इंगल्याण्डय्) वर्ल्ड वाइड वेबया आविष्कारक ख। वर्ल्ड वाइड वेबं इंटरनेटय् वेबपेज वितरण याइ। वय्कलं एचटिएमएल धाःगु छगु न्हुगु कम्प्युटर भाय् दयेकादिल गुकिलि आपालं वेबपेज च्वयातःगु दइ। दकले न्हापांगु वेबपेज 6 अगस्त, सन् 1991 खुनु दयावःगु ख।
तोमोथी बर्नर्स-ली | |
---|---|
बूगु | 1955 लन्दन |
थाय्बाय् | म्यासेच्युसेट्स, युएसए |
राष्ट्रियता | ब्रिटिश |
प्रसिद्धि | वर्ल्द वाइद वेबया आविष्कार |
शिक्षा | द क्विन्स कलेज, अक्सफोर्द |
ज्या बिम्ह | वर्ल्द वाइद वेब कन्सोर्तियम व युनिभर्सिती अफ साउथाम्प्तन |
ज्या | कम्प्युतर वैज्ञानिक |
पदवी | प्रोफेसर |
धर्म | Unitarian Universalism |
मां-अबु | कन्वे बर्नर्स-ली, मेरी ली वुड्स |
जाःथाय् | Tim Berners-Lee |
Holder of the 3Com Founders Chair at MIT's Computer Science and Artificial Intelligence Laboratory |
बर्नर्स-लीं आ वर्ल्ड वाइड वेब कंसोर्टियम नेतृत्त्व यानादिया च्वंगुदु। थ्व छगु गुथि ख गुकिलिं वर्ल्ड वाइड वेबयागु रेखदेख याइ। वय्कः विभिंग द वेब सफूया च्वमि नं ख। वय्कः वेब विज्ञान अनुसंधान कुतः (WSRI)या निदेशक व एमआईटी सेंटर फर कलेक्टिभ इन्टेलिजेन्सया सलाहकार बोर्डया छम्ह सदस्य नं ख। एप्रिल 2009स वय्कः वाशिंगटन, डीसीइ आधारित संयुक्त राज्य अमेरिकाया नेशनल एकेडमी अफ साइंसेजया छम्ह सदस्यया रूपय् निर्वाचित जुयादिल। सन् 1999स टाइम पत्रिकानं बर्नर्स लीयात 20गु शताब्दीया 100दकले महत्वपूर्ण मनुइ छम्ह नामांकृत यात। मार्च 2000स ओपन विश्वविद्यालयं वय्कःयात डक्टर अफ द युनिभर्सिटीया मानार्थ उपाधि बिल।
टिम बर्नर्स-ली लन्दन, इंगल्याण्डय् 8 जुन सन् 1955 खुनु बुयादिगु ख। वय्कः कोनवे बर्नर्स-ली व मेरी ली वुड्सया काय् ख। दकले न्ह्यः वय्कलं शीन माउंट प्राथमिक स्कूलय् ब्वनादिल। लिपा वय्कः लन्दनय् इम्यानुयल स्कूलय् सन् 1969 निसें सन् 1973 तक्क ब्वनादिल। थ्व धुंका, वय्कः क्विन्स कलेज, अक्सफोर्डय् सन् 1973 निसें सन्1976 तक्क ब्वनादिल। वय्कः अन दिबिलय् वय्कलं भौतिकशास्त्रय् प्रथम श्रेणी डिग्री कयादिल। वय्कलं वर्ल्ड वाइड वेबया आविष्कार यानादिल।
Template:Wikiquote-en
विकिमिडिया मंका य् थ्व विषय नाप स्वापु दुगु मिडिया दु: Tim Berners-Lee |
This article uses material from the Wikipedia नेपाल भाषा article टिम बर्नर्स-ली, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.