तःहाःनगु
तःहाःनगु छगु सर्गयागु पिण्ड खः। थुकियात कमेत वा स्मप सोलार सिस्तम बदि (small Solar System body) (SSSB) नं धाइगु या। थ्व पिण्ड सूर्द्यनापं वइबिलय् थुकिया न्ह्यपं खनेदै। थ्व फेनोमेना सोलार विन्द व सोलार रेदियसनया तःहाःनगुइ प्रभावं खनिगु ख। थ्व पिण्ड लोहं, धू, च्वापू व ग्यांस नं देकिगु ची धंगु खगोलीय पिण्ड ख। थुकिलिं सूर्द्य यात चाहिला च्वनि। चीधंगु पथ दुगु धूम्रकेतू सूर्द्ययागु परिक्रमा छगु अण्डाकार पथय् लगभग ६ निसें २०० दंय् पूवंकी। छुं धूम्रकेतूतेगु पथ प्याराबोलिक जुइ व अन्यागु धूम्रकेतू छक जक खने दै। ताहाकगु धूम्रकेतू छगु परिक्रमा यायेत द्वलंद्व दं मिंकी।
अप्व धूम्रकेतू च्वापू, कार्बन डाईआक्साइड, मीथेन, एमोनिया व अन्य पदार्थ दसु सिलिकेट व कार्बनिक मिश्रणं दया च्वनि।
धूम्रकेतूयागु भाग
धूम्रकेतूयागु स्वंगु मू भाग दै -
१) न्युक्लियस
२) कोमा
३) न्हेपं
न्युक्लियस धूम्रकेतूयागु केन्द्र खः। थुकियात लोंह व च्वापू नं देका तै। न्युक्लियसयागु प्येखें दैगु ग्यांस व धूयागु सुपायंयात कोमा धाइ। न्युक्लियस व कोमा नं पिहां वैगु ग्यांस व धू नं छगु न्ह्येपंयागु आकार काई।
धूम्रकेतू सूर्द्य नापं वैबिले, सौर्य-विकिरणयागु प्रभाव नं न्युक्लियसयागु ग्यांसतेगु वाष्पिकरण जुइ। थुकिलिं कोमायागु आकार तधना वनि व येक्व कोटी माइल तक्क जुवनि। कोमा नं पिहां वैगु ग्यांस व धू अरवों माइल ताहाकगु न्ह्येपंयागु आकार काइ। सौर्य-फे नं याना थ्व न्ह्येपं सूर्द्य स्वया उल्टा दिशाय् दै। गथे-गथे धूम्रकेतू सूर्द्य नापं वै, न्ह्येपंयागु आकार ताहाकया वनि।
छुं नाजागु धूम्रकेतू
- हेली धूम्रकेतू
- शूमाकर-लेवी धूम्रकेतू
- हेल-बप धूम्रकेतू
| तःहाःनगुया नां | विस्तार कि.मि. | घनत्व ग्राम/से.मि.३ | द्रव्यमान कि.ग्रा. |
|---|---|---|---|
| हेली तःहाःनगु | १५×८×८ | ०.६ | ३×१०१४ |
| टेम्पल १ | ७.६×४.९ | ०.६२ | ७.९×१०१३ |
| १९ P बोरेली | ८×४×४ | ०.३ | २×१०१३ |
| ८१ P वाइल्ड | ५.५×४.०×३.३ | ०.६ | २.३×१०१३ |
स्वयादिसँ
पिनेयागु स्वापूत
- कमेटोग्राफी डट कम
- धूम्रकेतू पौ
- नासायागु सौर्य-मण्डल अन्वेषण
- न्हुगु धूम्रकेतूतेगु धलः
- Comets at the Open Directory Project
- सीची योशिदायागु धूमकेतू सम्बन्घित सूचना जा:पौ
- धूमकेतू सम्बन्घित सूचना स्रोत
- आयागु व न्हापायागु धूमकेतूयागु किपा
- European Southern Observatory. (2003). "A Brief Hstory of Asteroids." Available online: Part I
- Part II.
| विकिमिडिया मंका य् थ्व विषय नाप स्वापु दुगु मिडिया दु: Comets |
This article uses material from the Wikipedia नेपाल भाषा article तःहाःनगु, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.