Astronom

Wenn man de Begreep Astronom blots up de Wetenschapler, de sück vun Berops wegen mit de Astronomie beschäftigen doht, inschränken will, denn sünd meest twee vun de folgen Tätigkeiten Gegenstand vun de Beroop:

• wetenschaplich Forschen up dat Rebeed Astronomie, besünners in de Astrophysik, Astrometrie, Kosmologie oder in de Beriek vun dat Planetensystem bzw. vun de Ruumfohrt, sowohl in’ bekiekene as ok in de theoretische Beriek.
• Lehrtätigkeit an en Universität as Hoochschoolprofessr oder -assistent.
• Entwickeln vun Meetinstrumenten oder Computerprogrammen.
• Leiten un/ oder Verwalten vun Institutschonen för F&E (Forschung un Entwicklung) beziehungswies vun groot Projekten - etwa bi de ESA oder NASA.

De Berop vun en Faakastronom sett normalerwies en Hoochschoolstudium in dat Faak Astronomie oder verwandt Natuurweetenschapen vörut, etwa en Diplom der Physik oder Astronomie (blots in Öösterriek), af un an ok ut Mathematik, Geodäsie, Aeronautik un annern. Dat Verfaaten vun en Dissertatschoon slutt sück in de meest Fällen an, un en Doktortitel (Pomotschoon) gellt faken as Vörutsetten för de Instellen.

Dat Beropsbild vun de Astronomen hett sück in de lest Johrteinten bannig ännert. Fröher hebbt de Astronomen de Himmel meest mit optisch Geräten (Teleskope an Steernwachten) beobacht. Hütigendags arbeit se mehr an bannig speziell Fragestellungen un weerten meest blots noch Signale ut (Gammastrahlen bit henn to Radiostrahlen). Also sitten se meest an Schrievdisch un weerten Daten ut. Teleskoparbeit löpt blangenher oder wurrd sölvs automatisch dörföhrt.

Dör de ganze Ännern is de Beteken Astronom hütgendags en beten windelk. Mannige, de mal Astronomie studeert hebbt, arbeit nahst ganz wat anners un nömmt sück denn nich jümmers mehr Astronom. Of wetenschaplich tätige Amateurastronomen sück nu Astronom nömmen dröft is gliekfalls nich ganz klor. Besünners in fröhere Johrhunnerten is en Trennen tüschen Amateur- un Beropsastronom meest nich utnanner to hollen.

Wiels Astronomie alltiet noch en Weetenschap is, de ok bi de Profis vun enkelde Lüüd oder lütt Forschungsgruppen prägt is, hebbt ok Amateure mit enspreken Begaben un Utrüsten Möglichkeiten vun de Mitwirken. Se sünd meest dor besünners spoodriek, wo groot Teleskope meest nich insett wurrd (to düer), oder woor man kontinuierlich wieder beobachten moot (wo de Profis kein Tiet hebbt). Dat gifft dat meest bi de Asteroiden- un Kometenbeobachtung, aber ok veränderlich Steerns un Astrometrie.