Byzantiensch Riek
Dat Byzantiensche Riek (greeksch Βυζαντινή Αυτοκρατορία, offiziell Βασιλεία τῶν Ῥωμαίων, up Platt: „De Römers ehr Königriek“), kortweg ok Byzanz (greeksch Βυζάντιο) oder, vunwegen dat histoorsche Herkamen, ok Oostrom, weer en Kaiserriek in de ööstlichen Länner vun de Middellannsche See.
Upkamen is dat in de Late Antike, as de ööstliche Hälft vun dat Röömsche Riek to en sülvstännig Kaiserriek wurrn is. To Enne gahn is dat, as de Hööftstadt Konstantinopel 1453 vun de Osmanen innahmen wurrn weer. To Anfang hett dat Riek reckt vun de Halfinsel vun Arabien bit hen na Noordafrika. Man vun de Midden vun dat 7. Johrhunnert af an höörn dor bloß noch Lüttasien un Süüdoosteuropa to. De moderne Forschung hett dor den Naam Byzantiensch Riek för. Dormols, to Tieden vun düt Riek, sünd de Inwahners avers nich „Byzantiners“ nömmt wurrn, man „Römers oder Rhomäers“ oder ok „Greken“.
(rot: Byzantiensch Riek / gröön: Provinzen vun dat vörmolige ooströömsche Riek, vun Byzanz torüch erovert)
This article uses material from the Wikipedia Plattdüütsch article Byzantiensch Riek, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.