Hambörg
Hambörg (Platduuts: Hamborg, Duuts: Hamburg) is mit 1,76 miljoen mèensen de op ien nao grootste stad in Duutslaand, de op zeuben nao grootste stad in de Europese Unie, en grootste van de EU-steden die gien laandelijke heufdstad bint.
De Hambörger haven, Duutslaand zien 'poorte naor de wereld', is de op ien nao grootse van Europa.
De officiële name Vri'je en Hanzestad Hambörg (Free un Hansestadt Hamborg) verwiest naor Hambörg zien lidmaotschop in 't middelieuwse koopludenverbond van de Hanze, en naor Hambörg zien staotus as stadstaot en ien van de zestien bondslaanen van Duutslaand.
Hambörg lig an de zuudkaante van het schiereilaand Jutlaand, mit continentaol Europa in 't zuden, Scandinavië in 't noorden, de Noordzee in 't westen en de Oostzee in 't oosten. De stad lig daor waoras de revieren de Elbe, de Alster en de Bille menare in de mute komt. 't Stadscentrum lig um twi'j meerties henne, de Binnenalster en de Butenalster.
As middelpunt van de Metropoolregio Hambörg en internationaole handelsstad is Hambörg 't commerciële en culturele hart van Noordduutslaand.
Oetgoande verwiezings
 | Commons: Hambörg - plaatjes, filmkes en/of gelüüdsbestanden. |
 | Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek. |
This article uses material from the Wikipedia Nedersaksisch article Hambörg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.