Hamburg

Hamburg
Datas fundamentalas
pajais federativ:	Hamburg
circul:	citad autonoma
Numer postal:	20001-21149, 22001-22769
Coordinatas:	53° 34′ n. 10° 2′ o.
Autezza:	6 m.s.m.
Surfatscha:	755,264 km²
Abitants:	1'787'408 (31 da december 2015)
Website:	www.hamburg.de

Tenor il dumber d'abitants è Hamburg segund be davos Berlin, ed è la segund gronda citad nun chapitala en Europa tenor il populaziun (suonda Petersburg però preceda Barcelona).

Posiziun

Hamburg sa chatta sin las rivas dal flum Elba (Elbe en tudestg) en il nordvest da la Germania. È ina citad-stadi situada tranter ils pajais federativs da Saxonia bassa (Niedersachsen) e Schleswig-Holstein.

Hamburg sa chatta en il punct nua ch'ils flums Alster e Bille sbuccan en la Elba, che a 110 km pli vers nordvest sbucca da sia vart en la Mar dal nord. La citad è traversada dad ina spessa rait da chanals numnads Fleete; il center da la citad è circumdà dals dus lais artifizials furmads da l'Alster: il lai Binnenalster (la part dil flum che sa chattava entaifer ils mirs antics da la citad) ed il lai Außenalster (Alster dador).

Il port natiral sa extenda sin tutta la largezza da l'Elba, principalmain sin la riva meridiunala visavi ils quartiers da St. Pauli ed Altona.

Las duas rivas dal flum èn colliadas tras punts a l'ost e tras dus tunnels.

Vischnancas cunfinantas

Hamburg cunfina cun 30 vischnancas, da las qualas 22 èn en Schleswig-Holstein ed 8 en la Saxonia bassa:

• Schleswig-Holstein:
  • Circul da Pinneberg: Wedel, Appen, Pinneberg, Schenefeld, Halstenbek, Rellingen, Ellerbek e Bönningstedt
  • Circul da Segeberg: Norderstedt
  • Circul da Stormarn: Tangstedt, Jersbek, Ammersbek, Ahrensburg, Stapelfeld, Barsbüttel, Oststeinbek, Glinde e Reinbek
  • Circul da Lauenburg: Wentorf bei Hamburg, Börnsen, Escheburg e Geesthacht
• Saxonia bassa:
  • Circul da Harburg: Drage, Winsen, Stelle, Seevetal, Rosengarten e Neu Wulmstorf
  • Circul da Stade: Jork e Buxtehude

La contribuziun la pli signifitganta a l'economia da Hamburg è il Port da Hamburg, segund be al port da Rotterdam en Europa e a la nonavla posiziun en il mund, cun in transport da 9,8 milliuns da TEU e 134 milliuns da tonnas da vitgiras en l'onn 2007.

Suenter la reunificaziun tudestga, Hamburg ha recuperà la part orientala da la atgna retroterra, daventond lunschor il port pli en creschientscha da tut l'Europa. Il commerzi internaziunal è era il motiv dad in grond dumber da consulats en la citad. Schebain situada a 110 km da la sbuccada da l'Elba, Hamburg vegn considerada sco in port da la mar per sia capacitad da admettar grondas navs transatlanticas.

Ensemen cun Seattle e Toulouse, Hamburg è in dals sezs principals da l'industria da l'aviaziun civila. La Airbus, che ha in da ses lieus da producziun a Hamburg, ed autras interpresas dal sectur, emploieschan pli che 30'000 persunas da la citad e dals conturns.

In auter sectur d'impurtanza particulara è quest da las medias. Han lur sez intginas da las chasas edituras las pli grondas tudestgas: Axel Springer AG, Gruner + Jahr, Heinrich Bauer Verlag, Der Spiegel e Die Zeit. Circa la mesadad da las revistas e da las gasettas tudestgas a diffusiun naziunala vegnan producidas a Hamburg. Èn era numerusas interpresas en il champ da la musica (la pli gronda tranter las qualas è la Warner Bros Record Germania) e da l'Internet (per exempel las filialas tudestgas da AOL, Adobe Systems e Google han lur sez qua).

L'industria greva includa la producziun d'atschal ed aluminium, la fabrica d'arom la pli gronda d'Europa e numerus plazzals navals sco quest da Blohm + Voss.

Tranter las autras interpresas dad interess han lur sez qua era la Tesa (leader mundial sin il martgà da la fabricaziun da materials adesivs) e la Gruppa Körber.

A Hamburg sa chatta era in dals centers ils pli impurtants en Europa per la retschertga da la fisica, il DESY (Deutsches Elektronen-SYnchrotron), nua ch'en 2007 vegniva scuverta la particla Theta+, consistinda da tschintg quarks e tschertgada invan durant circa trenta onns.

Monuments

• Binnenalster
• Außenalster
• Passagen
• St. Michaelis (baselgia da Son Mitgel; numnada era Michel)
• Rathaus (1886 - 1897)
• Il port
• Speicherstadt
• St. Nikolai (baselgia da Son Niclà)
• Elbchaussee (Hamburg-Blankenese)

Museums e teaters

• Museum für Hamburgische Geschichte (museum per l'istorgia da Hamburg)
• Kunsthalle (halla d'art)
• Museum für Kunst und Gewerbe (museum per l'art ed il commerzi)
• Völkerkundemuseum (museum etnologic)
• Altonaer Museum
• Thalia-Theater
• Deutsches Schauspielhaus
• Ernst-Deutsch-Theater
• Kammerspiele
• Theater im Zimmer
• English Theatre
• Staatsoper
• Neue Flora
• Operettenhaus
• St. Pauli Theater
• Schmidts Tivoli
• Kleines Thalia
• Musikhalle
• Ohnsorgtheater
• Kampnagel
• e auters

Protestants 37%, catolics 10%, muslims 8%, ateists ed agnosts 40%

Port ed eroport

Hamburg ha il port il pli grond en Germania, situà lung l'Elba; el è il segund port en Europa davos quel da Rotterdam.

L'eroport citadin è Hamburg-Fuhlsbüttel e sa chatta al nord da la citad.

Viafier

Hamburg è in punct central da traffic ferroviar ed ha la staziun da manevrar la pli gronda da l'Europa, quella da Maschen, situada al sid da la citad.

Las staziuns principalas èn:

• Hamburg Hauptbahnhof (staziun centrala)
• Hamburg-Altona
• Hamburg-Dammtor
• Hamburg-Harburg
• Hamburg-Bergedorf

Traffic regiunal

Las interpresas dal traffic regiunal (bus, viafier urbana, metro e bartgas dal port) collavuran en la Hamburger Verkehrsverbund (HVV; associaziun da traffic da Hamburg).

Il pretsch d'in bigliet dal di è € 5,10 (fanadur 2008).

La rait da tram vegniva eliminada en il 1978.

S-Bahn

Hamburg ha ina rait da S-Bahn (viafier urbana) gestida da la Deutsche Bahn sin binaris separads da quels da la rait naziunal.

La rait è cumposta da 4 lingias ordinarias plus 2 da rinforz:

U-Bahn

La rait da metro (U-Bahn, anc numnada Hochbahn, "viafier elevada", pervia da sia structura) sa cumpona da 3 lingias:

Ina quarta lingia, che è ussa en construcziun, è previsa per colliar il quartier "Hafencity".

R-Bahn

Intgins tocs da lingias regiunalas da la viafier naziunala pon vegnir duvradas cun bigliets dal HVV:

Administraziun

Hamburg è (ensemen cun Bremen e Berlin) ina da las trais "citads-stadis" tranter ils 16 pajais federativs (Bundesländer) tudestgs. Il parlament ha num Bürgerschaft. Il president da la citad (a ses terz temp d'uffizi) è Olaf Scholz (SPD), che è era chau dal Senat (guvern).

Sutdivisuns administrativas

Hamburg è sutdividida en 7 districts (Bezirk, pl. Bezirke):

District	Abitants 31. december 2006	Surfatscha en km²
Altona	246'936	78,3
Bergedorf	118'789	154,8
Eimsbüttel	248'233	50,1
Harburg	200'134	161
Hamburg-Mitte	238'257	107,1
Hamburg-Nord	283'246	57,8
Wandsbek	408'032	147,5

Ils 7 districts èn sutdividids en 104 quartiers (Stadtteile).

A Hamburg appartegnan era 3 inslas en il Mar dal nord, Neuwerk, Nigehörn e Scharhörn, avant la costa da Cuxhaven. Ellas fan part dal district di Mitte. Tut las 3 inslas èn administrativamain in quartier, Neuwerk. L'insla da Neuwerk è era la suletta insla abitada (36 persunas en il 2006).

• Petersburg, Russia, dal 1957
• Marsiglia, Frantscha, dal 1958
• Schanghai, China, dal 1986
• Dresden, Germania, dal 1987
• León, Nicaragua, dal 1989
• Ōsaka, Giapun, dal 1989
• Praha, Tschechia, dal 1990
• Chicago, Stadis unids da l'America, dal 1994

• Georg Philipp Telemann (1681-1767)
• Carl Philipp Emanuel Bach (1714-1788)
• Felix Mendelssohn (1809-1847)
• Johannes Brahms (1833-1897)
• Helmut Schmidt (1918-2015)
• Uwe Seeler (1936- )
• Uwe Timm (1940- )
• Tom Sietas (1977- ), apneist da livel mundial

•  
  La chasa-cumin da Hamburg
•  
  Speicherstadt
•  
•  
  Rathaus (chasa-cumin)
•  
  Grond negozi Alsterhaus
•  
  Kunsthalle (museum d'art)
•  
  Galerie der Moderne (museum d'art moderna)
•  
  Zürich Versicherung
•  
  Kehrwieder
•  
  Holthusenbad
•  
  Holthusenbad
•  
  Monument a Bismarck
•  
  Wasserturm (tur d'aua)
•  
  Planetarium (planetari)
•  
  Edifizi Spiegel
•  
  La stazione di Dammtor
•  
  Edifizi Spiegel ed il precedent edifizi IBM
•  
  Edifizi Spiegel ed il precedent edifizi IBM
•  
  Edifizi Spiegel
•  
  Chilehaus
•  
  Chilehaus
•  
  Sprinkenhof
•  
  Sprinkenhof
•  
  Punt sur l'Elba

• Uwe Bahnsen, Kerstin von Stürmer: Die Stadt, die auferstand: Hamburgs Wiederaufbau 1948–1960. Convent, Amburgo 2005
• Redaktion HASPA-Stadtteilbuch: Hamburg, Von Altona bis Zollenspieker. Verlag Hoffmann und Campe, Amburgo 2002, ISBN 3-455-11333-8
• Eckart Kleßmann: Geschichte der Stadt Hamburg. Die Hanse/Sabine Groenewold Verlage/Europäische Verlagsanstalt, Amburgo 2002, ISBN 3-434-52596-3
• Freie und Hansestadt Hamburg: Hamburg-Handbuch 2004/2005.
• Hella Kemper, Kerstin Schmidtfrerick, Eva-Christiane Wetterer: Hummelbuch, Hamburg Brevier. Murmann-Verlag, Amburgo 2007, ISBN 3-86774-009-7

• Hamburg (site uffiziala)
• HVV (Associaziun da traffic da Hamburg)
• Museum istoric da Hamburg
• Panorama da Hamburg