Amburc

Amburc
Non ufiziâl:	Hamburg
Stât:	Gjermanie
Superficie:	752,20 km2
Popolazion:  - Totâl  - Densitât	(2015) 1.787.408 ab. 2.367 ab./km2
Coordenadis gjeografichis:	9°59′36″E / 53.55056°N 9.99333°E / 53.55056; 9.99333
Sît istituzionâl

Freie und Hansestadt Hamburg) e je une citât logade inte Gjermanie setentrionâl, la seconde par numar di abitants; e je une des dôs citâts-stât de federazion todescje, e il puart plui impuartant dal paîs.

Amburc si cjate tal pont dulà che i flums Alster e Bille a si butin tal Elbe, che 110 chilometris plui a Nord-Ovest al si bute a sô volte tal Mâr dal Nord. E je traviersade di une penze rêt di cjanâi clamâts Fleete; il centri de citât al è circondât dai doi lâcs artificiâi formadis dal Alster: il Lâc Binnenalster (la part di flum che si cjatave dentri lis antighis muris de citât), e il Lâc Außenalster (Alster esterni).

Il puart naturâl si slungje par dute la largjece dal Elbe, principalmentri su la rive meridionâl, chê denant dai cuartîrs di Sant Pauli e Altona.

Lis dôs rivis dal flum a son colegadis par mieç di puints e doi tunei.

Amburc e fo fondade tal IX secul. Intant de ete di mieç e jere un dai plui impuartants membris de Leghe anseatiche e, grazie ae sô posizion, e divignì subite un dai plui impuartants puarts de Europe.

Dilunc de seconde vuere mondiâl e fo colpide cun fuarce dai bombardaments. Vuê e je une des plui impuartantis citâts comerciâls de Gjermanie.

Amburc e je une des dôs citâts-stât todescjis. Il parlament al si clame Bürgerschaft, e il sindic al è ancje il cjâf di guvier (Senat).

• (todesc) Sît istituzionâl de citât

Stâts (Länder) todescs
Amburc ·   Assie ·   Baden-Württemberg ·   Basse Sassonie ·   Baviere ·   Berlin ·   Brandeburc ·   Breme ·   Meclenburc-Pomeranie Ocidentâl ·   Ren dal nord-Vestfalie ·   Renanie-Palatinât ·   Saarland ·   Sassonie ·   Sassonie-Anhalt ·   Schleswig-Holstein ·   Turingje