۱۴″ ۴۹′ ۴۴°شمالی / ۲۰٫۴۶۲۲۲غرب ۴۴٫۸۲۰۵۶جنوب / −۲۰٫۴۶۲۲۲;−۴۴٫۸۲۰۵۶
یوگوسلاوی یا یوگسلاوی تاریخ دله سهتا حکومت نوم بییه که قرن ۲۰ میلادی دله پشت ِهم غربی بالکان دله سَر کار اِمونه. این سهتا حکومت ِنوم، یوگوسلاوی امپراتوری، یوگوسلاوی سوسیالیستی فدرال جمهوری و یوگوسلاوی فدرال جمهوری بینه.
یوگسلاوی ِواژه دِتا بخش ِیوگ (jug یعنی جنوب) و اسلاوی (slaveni، اسلاوی نژاد) جه بساته بَیییه.
یوگوسلاوی امپراتوری اتا کشور بییه که وه ره پیشته صربستون، کرواسی و اسلوونی ِامپراتوری نوم جه اِشناسینه. این کشور جهونی جنگ اول په و ۱ دسامبر ۱۹۱۸ اسلوونی، کرواسی و صربستون جمهوری و صربستون پادشائی اتحاد جه بساته بیّه. «اسلوونی، کرواسی و صربستان ِجمهوری» قبلاً اتریش-مجارستون ِبییه، ولی صربستون پادشائی قبلته هم مستقل بییه. یوگوسلاوی ِاولین حکومت ۱۹۴۳ تا ۱۹۴۵ رسماً رِقِد بورده.
دومین کشور که یوگوسلاوی نوم جه بساته بیّه یوگوسلاوی سوسیالیستی فدرال جمهوری بییه. این نوم ره اولین بار یوگوسلاو ِمقاومت پارتیزانئونِ جنبش جهونی جنگ دوم دله بساتِنه. این کشور سال ۱۹۴۶ تغییر نوم هِدائه و ونه نوم یوگوسلاویِ خلق فدرال جمهوری بیّه. ولی سال ۱۹۶۳ دِباره همون قبلی نوم ره وَردِگاردِنینه. این کشور، یوگوسلاوون ِگتترین حکومت بییه چون که ایستریا، ریکا و زادار هم ونه دله دَیینه. ونه ایالتون اینان بینه:
بوسنی و هرزگوین ِسوسیالیستی جمهوری | سارایوو | |||
کرواسی ِسوسیالیستی جمهوری | زاگرب | |||
مقدونیهیِ سوسیالیستی جمهوری | اسکوپیه | |||
مونتهنگرویِ سوسیالیستی جمهوری | تیتوگراد، (پودگوریتسا) | |||
صربستون ِسوسیالیستی جمهوری
| بلگراد
| |||
اسلوونی ِسوسیالیستی جمهوری | لیوبلیانا |
شوروی ِرقد بوردِن په، یوگوسلاوی سوسیالیستی جمهوری هم تجزیه بیّه و ونه جمهوریون هرکامین اتا مستقل کشور بَیینه، فقط دِتا جمهوری صربستون و مونتهنگرو باقی بموندستنه که تا سال ۲۰۰۳ یوگوسلاوی فدرال جمهوری نوم داشتنه. سال ۲۰۰۳، ونه نوم هم عوض بیّه و صربستون و مونته نگرو بَیییه.
This article uses material from the Wikipedia مَزِروني article یوگوسلاوی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.