ကျိုက်ထိုမြို့နယ်
ကျိုက်ထိုမြို့နယ် သည် မြန်မာနိုင်ငံ၊ မွန်ပြည်နယ်၊ ကျိုက်ထိုခရိုင်တွင် ပါဝင်သော မြို့နယ်တစ်ခုဖြစ်သည်။ မြို့နယ်ရုံးစိုက်ရာမြို့မှာ ကျိုက်ထိုမြို့ ဖြစ်သည်။ ၂၀၁၁ ခုနှစ် စက်တင်ဘာလတွင် မြန်မာလွှတ်တော်များမှ ဖြေကြားပေးသည့် အချက်အလက်များအရ ကျိုက်ထိုမြို့နယ်တွင် လူဦးရေ ၁၅၇, ၂၁၆ ဦးခန့်နေထိုင်ပြီး အိမ်ထောင်စု ၂၇,၇၄၅ စု ရှိသည်။ မြန်မာနိုင်ငံပြန်ကြားရေးဝန်ကြီးဌာနမှ ထုတ်ပြန်သည့် အချက်အလက်များအရ ၂၀၁၈ ခုနှစ်အောက်တိုဘာလ ၁ ရက် မှ ၂၀၁၉ ခုနှစ် နိုဝင်ဘာလ ၃၀ ရက်နေ့အထိ အိမ်ထောင်စု ၂၁၆၀၈ စုရှိပြီး လူဦးရေ ၁၆၄၈၁၂ ရှိသည်။ ထို့ပြင် ကုတင် ၂၅ လုံးဆန့် ဆေးရုံတစ်ရုံ၊ ကုတင် ၁၆လုံးဆန့် သိမ့်ဇရပ်စခန်း ဆေးရုံ၊ မိခင်နှင့်ကလေး စောင့်ရောက်ရေးဂေဟာတစ်လုံး၊ ကျေးလက်ဆေးပေးခန်း ၇၊ ကျေးလက်ဆေးပေးခန်းဌာနခွဲ ၂၈ ခုရှိဆို၏။
| ကျိုက်ထိုမြို့နယ် | |
|---|---|
| မြို့နယ် | |
 သထုံခရိုင်အတွင်း တည်နေရာ | |
  ကျိုက်ထိုမြို့နယ် | |
| ကိုဩဒိနိတ်: 17°18′0″N 97°1′37″E / 17.30000°N 97.02694°E | |
| နိုင်ငံ |  မြန်မာ |
| ပြည်နယ် |  မွန် |
| ခရိုင် | ကျိုက်ထိုခရိုင် |
| မြို့နယ်ရုံးစိုက်ရာမြို့ | ကျိုက်ထိုမြို့ |
| လူဦးရေ (၂၀၁၄) | ၁၈၄,၅၃၂ |
| အချိန်ဇုန် | မြန်မာစံတော်ချိန် (UTC+6:30) |
သဘာဝဘေး
ရေကြီးရေလျှံမှု
ကျိုက်ထိုမြို့နယ်တွင် ၂၀၁၇ ခုနှစ်၊ ဇူလိုင်လ ၂၀ ရက်မှ စတင်ကာ မိုးအဆက်မပြတ်ရွာသွန်းမှုနှင့် တောင်ကျရေကြောင့် ရပ်ကွက်အချို့ ရေမြုပ်ခြင်း၊ မြေပြိုမှုကြောင့် လူနေအိမ် ၇ လုံး ပြိုကျခြင်း၊ ၈ လုံး ပျက်စီးခြင်းအပြင် ရန်ကုန်-မော်လမြိုင် အဝေးပြေးကားလမ်းမပေါ်တွင်လည်း ရေလျှံမှုဖြစ်ပွားခဲ့ပြီး ကားသွားလာဖြတ်သန်းမှု ယာယီရပ်ဆိုင်းခဲ့ရသည်ထိ ဖြစ်ပွားခဲ့သည်။ ကျိုက်ထိုမြို့ပေါ် တိုးချဲ့ရပ်ကွက်များဖြစ်သည့် ကော့စနိုင်ရပ်ကွက်၊ ဇေယျာမွန်ရပ်ကွက်နှင့် သမလရပ်ကွက်တို့တွင် ဇူလိုင်လ ၂၀ ရက်နေ့တွင် ရေလွှမ်းခံရမှုကြောင့် ဒေသခံ ၄၀ဝ၀ နီးပါးတို့ ဘေးလွတ်ရာ ယာယီရေဘေးကယ်ဆယ်ရေးစခန်းသို့ ပြောင်းရွှေ့ခိုလှုံခဲ့ကြရသည်။ ရေကြီးရေလျှံမှုကြောင့် ကျိုက်ထိုတွင် ကယ်ဆယ်ရေးစခန်း ၆ ခု၊ လူဦးရေ ၃၉၁၆ ဦး၊ မြေပြိုကယ်ဆယ်ရေးစခန်း ၁ ခု၊ လူဦးရေ ၉၁ ဦးတို့ ဘေးလွတ်ရာ ခိုလှုံခဲ့ကြရသည်။ ဇူလိုင်လ ၂၅ ရက်နေ့ နေ့လယ်အချိန်မှစ၍ ကျိုက်ထိုမြို့နယ်အတွင်း ရေအားလုံးပြန်ကျသွားသည့်အတွက် ရေဘေးရှောင်သူများ နေအိမ်များသို့ ပြန်ခဲ့ကြသည်။
ကျိုက်ထိုမြို့ပေါ် ရပ်ကွက်တို့တွင် နှစ်စဉ်နှစ်တိုင်း ရေကြီးရေလျှံမှုဒဏ်ခံရလေ့ရှိပြီး ဒေသခံထောင်နှင့်ချီပြီး ဘေးလွတ်ရာတိမ်းရှောင်ရသည့်အဖြစ်မျိုး ၁၉၉၇ ခုနှစ်၊ ၂၀၁၄ ခုနှစ်နှင့် ၂၀၁၅ ခုနှစ်တို့တွင် ကြုံတွေ့ခဲ့ဖူးသည်။
ကိုးကား
.svg)  | ဤ မွန်ပြည်နယ် ပထဝီဝင်တည်နေရာဆိုင်ရာ ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |
This article uses material from the Wikipedia မြန်မာဘာသာ article ကျိုက်ထိုမြို့နယ်, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.