Bangalore (ಬೆಂಗಳೂರು Bengaluru an canará; Bangalore an anglés) ye la capital i la maior cidade de l stado de Karnataka, na Índia.
Queda a 914 m de altitude i ten cerca de 6 milhones de habitantes. Ye l centro de la andústria de alta tecnologie de la Índia. Ye ua zona turística debido al sou clima ameroso. Ambora haba refréncias stóricas a ua assentamiento naquel lhocal zde l seclo IX, la stória scrita de la cidade ampeça an 1537.
Ye la capital tecnológica de la Índia, adonde stan más de 1500 ampresas i anstituiçones de pesquisa científica i tecnológica.
Bangalore ye la berson aportuguesada de l nome de la cidade an canará (Bengaluru). La purmeira refréncia al nome fui ancuntrada nua anscriçon an piedra de l seclo IX, la qual declara que l lhocal fazie parte de l Reino Ganga i era coincido cumo Vengabal-uru, la "Cidade de l Guardas" an canará antigo.
Segundo ua anedota popular (nun apoiada an probas stóricas), Bangalore tenerie sido chamada Bendakaloru ("Cidade de ls frajones cozidos") apuis dun marajá de l seclo XI, perdido pula region na sequéncia dua caçada, ande comiu un prato de freijones cozido oufrecido por ua mulhier. L monarca de tal modo gustou de l prato que decediu dar l sou nome al lhocal adonde eirie aparecer la cidade.
L goberno de l stado andiano de Karnataka anunciou que alterarie la berson anglesa de l nome de la cidade para Vengaluru a partir de 1 de nobembre de 2006. La mudança depende inda de aprobaçon de l goberno federal.
This article uses material from the Wikipedia Mirandés article Bangalore, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.