George Vella: Politiku Malti u President tar-Repubblika ta' Malta

Qabel huwa kien darbtejn Ministru tal-Affarijiet Barranin ta' Malta. Kien ukoll Deputat Priministru ta' Malta. Kien Ministru tal-Affarijiet Barranin u l-Ambjent mill-1996 sal-1998, u Ministru tal-Affarijiet Barranin mill-2013 sal-2017. Kien ukoll Deputat Mexxej tal-Partit Laburista mill-1992 sal-2003.

George Vella
President ta' Malta 4 April 2019 - 4 April 2024 ← Marie Louise Coleiro Preca - Myriam Spiteri Debono → Ministru għall-Affarijiet Barranin 13 Marzu 2013 - 7 Ġunju 2017 ← Francis Zammit Dimech (en) - Carmelo Abela (en) → Membru tal-Parlament Ewropew 1 Mejju 2004 - 19 Lulju 2004 District: Malta 7. Ministru għall-Affarijiet Barranin 29 Ottubru 1996 - 6 Settembru 1998 ← Guido de Marco - Guido de Marco → Membru tal-Kamra tad-Deputati ta' Malta 1995 - 1996 Membru sostitut tal-Assemblea Parlamentari tal-Kunsill tal-Ewropa 17 Settembru 1986 - 26 Jannar 1987 Membru sostitut tal-Assemblea Parlamentari tal-Kunsill tal-Ewropa 26 April 1982 - 25 April 1983
Ħajja
Twelid	Żejtun, 24 April 1942 (81 sena)
Nazzjonalità	Malta
Edukazzjoni
Alma mater	Università ta' Malta
Lingwi	Malti
Okkupazzjoni
Okkupazzjoni	politiku
Post tax-xogħol	Strasburgu Brussell
Premjijiet	List Ordni Nazzjonali tal-Meritu Order of the Tribute to the Republic Knight Commander of the Order of St Michael and St George Knight Grand Cross of the Order of Merit Grand Commander of the Order of Honour Grand Cross with Collar of the Order of the Three Stars
Sħubija	Assemblea Parlamentari tal-Kunsill tal-Ewropa

Nhar il-5 ta' Marzu 2019, il-Prim Ministru Joseph Muscat ħabbar li l-Kabinett kien għadu kif approva b’mod unanimu proposta tal-Prim Ministru biex Vella jkun innominat għall-Presidenza. Il-Gvern qal li f’laqgħa li saret immedjatament wara, il-Grupp Parlamentari tal-Gvern ukoll appoġġja din in-nomina b’mod unanimu.

Studja fil-Kulleġġ De La Salle u iggradwa mill-Università Rjali ta’ Malta bħala Tabib tal-Mediċina u Kirurġija. Bejn l-1966 u l-1973 huwa kien l-Uffiċjal Mediku tal-Malta Drydocks. Mill-1966 sal-1975 kien ukoll Demonstrator tal-Fiżjoloġija u tal-Bijokimika fl-Iskola Medika. Bejn l-1964 u l-2013 Vella kien konsulent fil-Mediċina tal-Avjazzjoni, speċjalista fil-Mediċina tal-Familja u wkoll tabib tal-familja.

Beda jieħu sehem attiv fil-politika sa mill-1976. Kien elett Membru Parlamentari fl-1978 sa 1987, u minn 1992 sal-lum. Matul il-karriera politika, kien anke nominat għal Mexxej tal-Partit Laburista fl-1992 mill-Mexxej Karmenu Mifsud Bonnici iżda huwa ma aċċettax.

Kien wieħed mill-ewwel Osservaturi Maltin fil-Parlament Ewropew u anke Membru Parlamentari Ewropew għal żmien qasir fl-2004. Esperjenza vasta u fit-tul fil-Kunsill tal-Ewropa, u fil-Parlament Ewropew, u f’konferenzi tan-Nazzjonijiet Magħquda.

Kien Membru tal-Parlament Ewro-Mediterranju, u tal-Assemblea Parlamentari tal-Mediterran, Delegat tal-Partit Laburista fil-Konvenzjoni biex titfassal Kostituzzjoni għall-Unjoni Ewropea (2003), u Rappreżentant tal-Partit Laburista fil-Presidenza tal-Partiti Socjalisti tal-Ewropa.

Ħa sehem attiv f’numru kbir ta’ konferenzi politiċi madwar id-dinja, u kellu laqgħat ma’ numru kbir ta’ politiċi importanti fil-qasam politiku dinji. Interessat partikolarment fil-politika tal-Mediterran u tal-Lvant Nofsani.

Kien Membru tal-Kumitat tal-Affarijiet Barranin u Ewropej tal-Parlament.

Deputat Prim Ministru

Huwa nħatar Deputat Mexxej tal-Partit Laburista fl-1992 u dam sal-2003. Kien Deputat Prim Ministru u Ministru Affarijiet Barranin u tal-Ambjent 1996-1998. Mill-1998 sal-2013 kien il-Kelliem Ewlieni tal-Oppożizzjoni għall-Affarijiet Barranin u Ewropej.

Fl-2008, huwa mbotta l-kandidatura ta' Joseph Muscat bħala Mexxej ġdid tal-Partit Laburista.

Nhar it-13 ta' Marzu 2013 huwa nħatar Ministru għall-Affarijiet Barranin fil-Gvern Laburista li tela' fl-Elezzjonijiet Ġenerali 2013 li saru ħamest ijiem qabel. Fl-2017, ma kkontestax l-elezzjoni. Wara l-elezzjoni, huwa sar kritiku tal-Gvern Laburista rigward l-emendi fil-liġi tal-IVF. Vella huwa kontra l-abort.

President tar-Repubblika

Nhar il-5 ta' Marzu 2019, il-Prim Ministru Joseph Muscat ħabbar li l-Kabinett kien għadu kif approva b’mod unanimu proposta tal-Prim Ministru Joseph Muscat biex Vella, fl-età ta' 76 sena, ikun innominat għall-Presidenza. Il-Gvern qal li f’laqgħa li saret immedjatament wara, il-Grupp Parlamentari tal-Gvern ukoll appoġġja din in-nomina b’mod unanimu.

Fit-13 ta' Diċembru 2017, huwa sar Kumpann fl-Ordni Nazzjonali tal-Mertu tar-Repubblika ta' Malta.