Charlotte Brontë: Rumanziera u poeta Brittanika
Charlotte Brontë (/ˈʃɑːrlət ˈbrɒnti/iżjed/iktar komuni /-teɪ/; 21 ta’ April 1816 – 31 Marzu 1855) kienet rumanziera u poeta Ingliża u kienet l-ikbar fost tliet aħwa bniet ta’ Brontë.
| Dan l-artiklu għandu bżonn jiġi wikifikat biex jaqbel mal-istandard tal-Wikipedija. B'mod partikolari, dan l-artiklu huwa nieqes minn referenzi għal sorsi esterni li jivverifikaw il-fatti u perspettivi dwar is-suġġett. Jekk jogħġbok għin biex ittejjeb dan l-artiklu skont il-konvenzjonijiet tal-Wikipedija. |
Ir-rumanzi tagħha saru klassiċi fil-letteratura Ingliża. Hija magħrufa l-aktar għar-rumanz tagħha Jane Eyre, li ppubblikatu taħt psewdonimu mhux binarju, Currer Bell. Meta l-ktieb Jane Eyre ġie ppubblikat, kien ta’ suċċess u tqies ta’ livell għoli għall-ġeneru tal-fizjoni gotika fil-letteratura.
Meta kellha 14-il sena f’Jannar tal-1831, irreġistrat fl-iskola Roe Hold f’Mirfield. Is-sena ta’ wara telqet sabiex tgħallem lil ħutha, Emily u Anne, mid-dar u mbagħad irritornat fl-1835 bħala tuttriċi. Fl-1839, saret tuttriċi għall-familja Sidgwick, imma telqet wara ftit xhur sabiex tirritorna Haworth, fejn l-aħwa fetħu skola imma ma rnexxilhomx jattiraw studenti. Minflok, bdew jiktbu u t-tlieta li huma ppublikaw xogħolhom għall-ewwel darba fl-1846 bil-psewdonimi Currer, Ellis u Acton Bell. Għalkemm l-ewwel rumanz tagħha, The Professor, ma ġiex aċċettat mill-pubblikaturi, it-tieni rumanz tagħha, Jane Eyre, ġie ppubblikat fl-1847. L-aħwa ammettew li kienu qed jużaw il-psewdonimi ta’ Bell fl-1848, u sas-sena ta’ wara kienu rispettati fiċ-ċrieki letterarji ta’ Londra.
Charlotte Brontë mietet l-aħħar minn ħutha. Hi nqabdet tqila ftit wara t-tieġ tagħha f’Ġunju ta’ 1854 imma mietet fil-31 ta’ Marzu 1855, aktarx minn hyperemesis gravidarum, kumplikazzjoni fit-tqala li tikkawża ħafna dardir u remettar.
This article uses material from the Wikipedia Malti article Charlotte Brontë, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il-kontenut huwa disponibbli taħt il-liċenzja CC BY-SA 4.0 sakemm mhux indikat mod ieħor. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malti (DUHOCTRUNGQUOC.VN) is an independent company and has no affiliation with Wiki Foundation.