ကျာံ
ကျာံမ္ဂးဂှ် ဒှ်ကွိၚ်ကွိုက်ပြဝေဏဳမန်တအ်ရ။ ကွိၚ်ကွိုက်ဝွံ ဟိုတ်မကၠောန်ဗီုရုပ်ကျာံတုဲ မန်တအ်ကော်ကျာံရ။ ကွိၚ်ကွိုက်ကျာံကီု တၠပညာ မြက်စာပ္ဍဲအရာမတိၚ်ကျာံကီု ခတ်ဍန်တဴရ။ ပၞောဝ်ကွိၚ်ကွိုက်ဂမၠိုၚ် ကျာံဂှ် ဒှ်ကွိၚ်ကွိုက်တၟေၚ်ရ၊ ရုပ်ရာဗီုပြၚ်ကျာံ မပ္တန်လဝ်ကဵုဇၞဲတိၚ်ကျာံကီု တၟေၚ်ခြာနူကွိၚ်ကွိုက်သ္အာၚ်ရ။
ပ္ဍဲကျာံဂှ် ဇုက်မွဲ ဇုက်ၜါ ဇုက်ပိဂးတုဲ ဇုက်နွံပိတၞုၚ်ရ။ ဆဂး ကာလတိၚ်ကျာံဟီုမ္ဂး ဇုက်မွဲဂှ်ဟေၚ် ဒှ်အဓိကရ၊ ဇုက်ၜါဇုက်ပိဂှ် ဒှ်ဆအယာံမာတ် တွဳဝါရဍေံရ၊ ဇုက်ကျာံဂှ် ဒးဒက်ဗ္ဂပ်စးကျာံရ၊ ဇုက်ကျာံဂှ် နဂဵုဒုန်၊ ဟွံသေၚ်သာ်ဂှ် နကဵုဂြၚ်စိၚ် ဒးတိၚ်ရ။
ကျာံဂှ် ဆဒှ်ဆုလေဝ် ကၠောန်ဟွံဂွံရ၊ ဆုရမ္မာ၊ ဆုဖါ၊ ဆုကၠ တအ်ဂှ်ဟေၚ် ဒးကၠောန်ရ၊ ကၠောန်ကဵုဆုတၞဟ်ဟီုမ္ဂး ရှ်ရမျာၚ်ဟွံခိုဟ်တုဲ တံၚ်စိုတ်ဓာတ်ပူရိသာတ်တံဟွံမာန်ရ၊ သာ်ဝွံ ဂွံဆဵုပ္ဍဲလိက်မန် တြေံတြဟ်ရ။ ကျာံဂှ် ဟီုဗွဲ သာမညမ္ဂး က္ဍိုပ် ဇကု ဗတ နွံပိသ္ကုတ်ရ၊ ညံၚ်ဂွံဗ္ဂပ်လောဲ ပလှ်လောဲ စဳဇန်လဝ်ရ။
နိဿဲ
This article uses material from the Wikipedia မန် article ကျာံ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ပရောပရာတၚ်လညာတ်တၞဟ်ယဝ်ရဟွံမွဲတှ်ေပ္ဍဲ CC BY-SA 4.0 မဒုၚ်ကေတ်မာန်ရ။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မန် (DUHOCTRUNGQUOC.VN) is an independent company and has no affiliation with Wiki Foundation.