ကောဒေံပိုဲ
ပ္ဍဲရးဍုၚ်ဗၟာဝွံ ကောန်ဍုၚ်အရၚ် ကောဒေံပိုဲ မပ္တံကဵု ကချေၚ်၊ ကရေၚ်၊ ကယျာ၊ ချေၚ်၊ မန်၊ ဗၟာ၊ ယခါၚ်၊ သေံတအ်ဂှ် နွံတဴဗွဲမဂၠိုၚ်ရ။
ကောန်ဍုၚ်အရၚ်တအ်ဂှ် ပ္ဍဲကဵုဂကောံကၟိန်ဍုၚ်ဗၟာဝွံ မံၚ်တဴမွဲဍုၚ် သုၚ်တဴမွဲဍာ် ညံၚ်ကောန်မွဲမိ မွဲဗုၚ်မွဲကြုတ်ရ။ ဂၠးဍုၚ်ပိုဲ ဃောဒှ်ဘဝဍိက် သၟဝ်တဲအၚ်္ဂလိပ်တေအ်ဂှ် အလဵုအသဳဗျိတိယှတအ်ဂှ် ညံၚ်စၞေဟ်ပလန်ကဵုဍေံတအ် ဟွံသၟဟ်ရထပါ်ပရးထကးဆီတုဲ အုပ်ဓုပ်လဝ်ရ။
ၜိုန်ဂှ်လေဝ် ကောန်ဍုၚ်အရၚ် ကောဒေံပိုဲဂမၠိုၚ် တၞဟ်နသ္ဂောံတိတ်ဗၠး နူဘဝဍိက်ဂှ် ဆီကောံညဳသာ ဂစာန်ရုန်ဒရေၚ်တၠုၚ်တဴရ၊ ဟိုတ်ညဳသာသၟဟ်န်ဂှ်ရ ဂၠးဍုၚ်ပိုဲကလိဂွံဗၠးၜးရ၊ ဗၠးၜးဂၠးဍုၚ်ပိုဲ ဂွံတန်ကြန်အာ ဒဵုကဝ်တူဂှ် ကောဒေံပိုဲဂမၠိုၚ် ချိုတ်မွဲကတိုၚ် ဂျိုၚ်မွဲထကဝ် စွံလဝ်စိုတ်ခိုၚ်ၚ် သၞသတြုဂြိုဟ်ပလီုဗၠးၜးဍုၚ်ပိုဲဂှ် နကဵုဇြဟတ်ညဳသာ ပိုဲတဝ်စၞေဟ် လၞိန်ဗပိန်ကၠေံရောၚ်။
ပသာ်ရော ဗၠးၜးဍုၚ်ပိုဲဂှ် ညံၚ်သ္ဂောံစိုပ်ကၠုၚ်တုဲပိုဲ ဒုၚ်ဖအိုတ်လဝ် ဆီပဠက် လမျီုရိုဟ်လၟိဟ်ဂၞန်ဟွံမာန် ဂစာန်ရေၚ်တၠုၚ်တုဲ ကလိဂွံလဝ်ရောၚ်၊ ဟိုတ်ဂှ်ရ ဍုၚ်ပိုဲပိုဲမၚ်၊ ပရေၚ်အာဲကၟာဲ ဍုၚ်မိတိမပိုဲဂှ် ပါ်ပရအ်စသိုၚ်ညဳညဳရောၚ်၊ ကြုက်ဂါမဏိ ဂြိုဟ်ကၠုၚ်ကဵုဍုၚ်ပိုဲဂှ် သရာဲမန်ဗညာဓရေမ် ဗ္တိုက်ပ္တိတ်မာန်အာဂှ် ပြာကတ်ဒၟံၚ် ပ္ဍဲဝၚ်ရဟွံသေၚ်ဟာ၊ ပိုဲညးဂမၠိုၚ်လေဝ် ညံၚ်သရာဲမန် ဗညာဓရေမ် မၚ်မွဲသ္ဍိက်ဆာန် ဂၠးဍုၚ်မိတိမပိုဲဂှ် ဒးမၚ်မွဲအာ ဂကောံကၟိန်ဍုၚ်ပိုဲရောၚ်။
နိဿဲ
This article uses material from the Wikipedia မန် article ကောဒေံပိုဲ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ပရောပရာတၚ်လညာတ်တၞဟ်ယဝ်ရဟွံမွဲတှ်ေပ္ဍဲ CC BY-SA 4.0 မဒုၚ်ကေတ်မာန်ရ။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မန် (DUHOCTRUNGQUOC.VN) is an independent company and has no affiliation with Wiki Foundation.