ရာမညရဋ္ဌ ဗုဒ္ဓတက္ကသိုလ်

ပ္ဍဲသက္ကရာဇ် ၁၃၇၃ သၞာံ တၠဂုဏ်အ္စာသဳလစာရ (ဍုၚ်ရေဝ်) စပ္တန်ကၠုၚ် ဘာရာမညရဋ္ဌဗုဒ္ဓတက္ကသိုလ် ပ္ဍဲဍုၚ်မတ်မလီုရ။ (နာဲထောန်အိၚ်) မိပါန်ကျဳ ကေုာံ ကောန်ဇာတ်ဂမၠိုၚ်ကီု ဒါယကာဂကူမန်ဂမၠိုၚ်ကီု ဒှ်တၠဒါန်အရှာံဘာ ရာမညရဋ္ဌဗုဒ္ဓတက္ကသိုလ် သီုညးဖအိုတ်ရ။

ပ္ဍဲသက္ကရာဇ် ၁၃၇၅ သၞာံဂှ် စပံက်ပရိယတ်တုဲ သၚ်ဗၞတ် ၃၀ ဇကုကတ်လ္ၚတ်ဒၟံၚ် ပရိယတ္တိရ။ ပ္ဍဲသက္ကရာဇ် ၁၃၇၆ သၞာံဂှ် သၚ်ဗၞတ် ၅၀ ဇကု၊ ပ္ဍဲသက္ကရာဇ် ၁၃၇၇ သၞာံဂှ် သၚ်ဗၞတ် ၁၃၅ ဇကု ကတ်လ္ၚတ် ဖ္ဍောတ်သှ်ဇျာဲလိက် ပရိယတ်အိုတ်ရ။ အ္စာလိက်ဂမၠိုၚ် မဖျေံပတိုန်ဒၟံၚ်လိက် ပ္ဍဲဘာရာမညရဋ္ဌဗုဒ္ဓတက္ကသိုလ်ဝွံ နွံတဴဗၞတ် ၁၅ ဇကုရ။ တၠဂုဏ်အ္စာ ခေမာသာရ (ဍုၚ်ပံၚ်) ဒှ်ညးမဆိုက်ဗဒက်တဴ ပ္ဍဲဘာသန္တရတုဲ ပ္ဍဲအရာဘာသန္တရဂှ် ညးအာဂတပၠတရဴတုဲ မွဲဟာန်ကေုာံအ္စာလိက် ဘာသန္တရ ဗၞတ်ပိဇကု ကေတ်လဝ်တာလျိုၚ်မဗ္တောန်ဖျေံဘာသန္တရ ကုသၚ်မန် မအံၚ်လဝ်တန်ဓမ္မာစရိယ မွဲဟာန်ကေုာံကွးဘာ မအံၚ်လဝ်စှ်တန်ဂမၠိုၚ်တံရ။ တၠဂုဏ်အ္စာ အနန္တ (ကွာန်သာံလှေဝ်) မွဲဟာန်ကေုာံ အ္စာမဗ္တောန်ဖျေံ ကမ်ပျူတာ ဗၞတ်ၜါဇကု ကေတ်တာလျိုၚ် ဖျေံဗတောန်ဒၟံၚ်ကွတ်ကမ်ပျူတာ ကုသၚ်မအံၚ်လဝ် တန်ဓမ္မာစရိယ မွဲဟာန်ကေုာံကွးဘာ မအံၚ်လဝ်စှ်တန်ဂမၠိုၚ်တအ်ရ။ တၠဂုဏ်အ္စာ အဂ္ဂိဇိန (ဍုၚ်ရေဝ်) တၠဂုဏ်အ္စာသဳလစာရ (ဍုၚ်ရေဝ်) မွဲဟာန်ကေုာံ ဂကောံအ္စာဂဥုဲဒံက်တာ၊ ဏာတ်ရုၚ်ဂဥုဲဇၞော်ဍုၚ်မတ်မလီုဂမၠိုၚ် အာက္ဍိုပ်တုဲ ဒက်ပတန်လဝ် ဂကောံရာမညရဋ္ဌဇဳဝိတဒါနရ။ ရန်တၟံတၞဟ်န သၠုၚ်ပတိုန် ကဆံၚ်ပရိယတ်ပဋိပတ် ပရဟိတကေုာံပညာတက္ကသိုလ် သွက်ဂကူ ဘာသာ သာသနာတုဲ ပံက်ပတန်လဝ် ရာမညရဋ္ဌဗုဒ္ဓတက္ကသိုလ်ဝွံရောၚ်။

တ္ၚဲတက်တိုၚ်ရိုဟ်ကၞက် ဘာရာမညရဋ္ဌပရိယတ္တိဝိဟာရ-၁၃၇၄ သၞာံ၊ ဂိတု ပသာ် (၆) မံက်၊ တ္ၚဲဗြဴဗတိ(24 Apirl,2012) အခိၚ်သဝ်တ္ၚဲ (၆) နာဍဳ ၁၅ မိနေတ် ညးမတက်တိုၚ်ရိုဟ်ကၞက် ကျာ်ဇၞော်အ္စာ သဳလာစာရ ဘာဗ္ဂေါပရိယတ္တိမန်၊ ဍုၚ်မတ်မလီု။ ကျာ်ဇၞော်အ္စာ ဝိမလဗုဒ္ဓိ၊ ဘာမြစေတဳရဲကျောၚ်း၊ ဍုၚ်မတ်မလီု။ ကျာ်ဇၞော်အ္စာ စန္ဒောဘာသာ၊ ဘာကျာ် ဍုၚ်ပံၚ်။ ဒါယကာဗျဉ် မိပါန်ကျဳ ဒါယကာနာဲသာညှေန်+ မိကျေန်။ ဒါယကာ နာဲကျော်ဇော်။

တ္ၚဲစသိုၚ်ခၞံ ဘာရာမညရဋ္ဌပရိယတ္တိဝိဟာရ ၁၃၇၄ သၞာံ ဂိတုပသာ် ၈ စွေက်၊ တ္ၚဲအဒိုတ် (13 May, 2012)။ တ္ၚဲသိုၚ်ခၞံ ဘာရာမညရဋ္ဌပရိယတ္တိဝိဟာရ တုဲဒှ်အာ ၁၃၇၅ သၞာံ၊ ဂိတုဇှေ် (၁၄) မံက် တ္ၚဲသ္ၚိသဝ် (22 June, ၂၀၁၃)။ ဒါယကာတၠဒါန် ဂအာၚ်တိ ဘာရာမညရဋ္ဌပရိယတ္တိဝိဟာရ (နာဲထောန်အိၚ်) မိပါန်ကျဳ ကေုာံ ဂကောံဒါယကာဂမၠိုၚ်။ ဒါယကာတၠဒါန် ဘာရာမညရဋ္ဌပရိယတ္တိဝိဟာရ (နာဲထောန်အိၚ်) မိပါန်ကျဳ၊ ဍုၚ်လ္ဂုၚ်။ ၚုဟ်မး ဝတ္ထဒါန်သြန် အိုတ်အာ (၃၃၆၆) ကိုဋ်။

တ္ၚဲတက်တိုၚ်ရိုဟ်ကၞက် ဘာရာမညရဋ္ဌ ဓမ္မသာလာ ၁၃၇၄ သၞာံ၊ ဂိတု ကထိုန် ၇ စွေက်၊ တ္ၚဲ ဗုဒ္ဓဝါ (5 December, 2012) အခိၚ်သဝ်တ္ၚဲ ၄ နာဍဳ ၁၅ မဳနေတ် ညးမတက်တိုၚ်ရိုဟ်ကၞက် တၠဂုဏ်အ္စာ အဂ္ဂိဇိန၊ ဘာသန္တိသုခ၊ ဍုၚ်မတ်မလီု။ ကျာ်ဇၞော်အ္စာ သြဝါဒ၊ ဘာဂြိုပ် ဍုၚ်သြၚ်၊ ဍုၚ်မတ်မလီု။ တၠဂုဏ်အ္စာဓမ္မိက ကွာန်ကုန်မိပ်ဇြိုပ်။ တၠဂုဏ်အ္စာ သဳလာစာရ၊ ဘာရာမညရဋ္ဌဗုဒ္ဓတက္ကသိုလ်၊ ဍုၚ်မတ်မလီု။ ဒါယကာဗျဉ် မိပါန်ကျဳ၊ ဒါယကာ နာဲကျော်ဇော်။ နာဲလောန်၊ နာဲချေတ်ခိုဟ်၊ နာဲဆာန်လောန် (ကော်) ညိုထူ။

တ္ၚဲစသိုၚ်ခၞံ ဘာရာမညရဋ္ဌ ဓမ္မသာလာ ၁၃၇၄ သၞာံ ဂိတုကထိုန်(၈) စွေက်၊ တ္ၚဲဗြဴဗတိ (6 December, 2012) တုဲ တ္ၚဲသိုၚ်ခၞံ ဘာရာမညရဋ္ဌ ဓမ္မသာလာ တုဲဒှ်အာ ၁၃၇၆ သၞာံ၊ ဂိတုဖဝ်ရဂိုန်ပေၚ်၊ တ္ၚဲဗုဒ္ဓဝါ 4 March, 2015။

ဒါယကာတၠဒါန်ဂအာၚ်တိ ဘာရာမညရဋ္ဌဓမ္မသာလာ ဂကောံဒါယကာဂမၠိုၚ်။ ဒါယာကာတၠဒါန် ဘာရာမညရဋ္ဌဓမ္မသာလာ (နာဲထောန်အိၚ်) မိပါန်ကျဳ၊ ဍုၚ်လ္ဂုၚ် ၚုဟ်မးဝတ္ထုဒါန်သြန်အိုတ်အာ ၈၆၀၀ ကိုဋ်။

တ္ၚဲဖ္ဍောတ်မ္ၚဵုတက်တိုၚ်ရိုဟ်ကၞက် ဘာရာမညရဋ္ဌ ဘောဇသာလာ ၁၃၇၅-သၞာံ၊ ဂိတုဝှ် (၅) မံက်၊ တ္ၚဲဗုဒ္ဓဝါ 9 Oct, 2012 အခိၚ်နူဂယး ၇ နာဍဳ ညးမတိုန်စိုပ်ဂမၠိုၚ် ဂကောံကျာ်ဇၞော်အ္စာ တၠဂုဏ်အ္စာ ဂမၠိုၚ်ဂကောံသၚ်ဘာကေုာံ သၚ်ဘာသန္တိသုခဂမၠိုၚ် ဂကောံသဳလ ဘာဂြိုပ်ဍုၚ်သြေၚ်ဂမၠိုၚ် ဒါယကာဘာ၊ ဗျဉ် ကေုာံ ဂကောံကွးဘာ ဗၞတ် ၂၀၀ ပြၚ်ၚ်။ ညးမတက်တိုၚ်ရိုဟ် ကၞက်ဂမၠိုၚ်

• တၠဂုဏ်အ္စာအဂ္ဂဇိန ဘာသန္တိသုခ ဍုၚ်မတ်မလီု၊
• ကျာ်ဇၞော်အ္စာသြဝါဒ ဘာဂြိုပ်ဍုၚ်သြေၚ် ဍုၚ်မတ်မလီု၊
• ကျာ်ဇၞော်အ္စာ ပညာလၚ်္ကာရ ဘာလောကသုခ ဍုၚ်ရေဝ်။
• တၠဂုဏ်အ္စာ သဳလာစာရ ဘာဍုၚ်မတ်မလီု။
• တၠဂုဏ်အ္စာ ခေမာသာရ ဘာရာမညရဋ္ဌဗုဒ္ဓတက္ကသိုလ် ဍုၚ်မတ်မလီု၊
• တၠဂုဏ်အ္စာနေလၚ်္ဂဓမ္မ ဘာရာမညရဋ္ဌဗုဒ္ဓတက္ကသိုလ် ဍုၚ်မတ်မလီု၊
• တၠဂုဏ်အ္စာ ပဏ္ဍိတ ဘာသန္တိသုခ ဍုၚ်မတ်မလီု
• တၠဂုဏ်အ္စာ ပုပ္ဖ ဘာသန္တိသုခ ဍုၚ်မတ်မလီု
• ဒါယကာဗျဉ် မိပါန်ကျဳ

တ္ၚဲစသိုၚ်ခၞံ ဘာရာမညရဋ္ဌ ဘောဇနသာလာ ၁၃၇၅ သၞာံ၊ ဂိတုမြေက္ကသိုလ် (၇) မံက် တ္ၚဲစန် 9 Dec, 2013 တ္ၚဲသိုၚ်ခၞံ ဘာရာမညရဋ္ဌ ဘောဇနသာလတုဲအာ ၁၃၇၇ သၞာံ ဂိတု ဒု-ဒ္ဂိုန် ၄ မံက် တ္ၚဲအဒိုတ် 9 July, 2015.

ညးတၠဒါန်သိုၚ်ခၞံ ဘာရာမညရဋ္ဌဘောဇနသာလာ (နာဲထောန်အိၚ်) မိပါန်ကျဳ၊ ဒါယကာတၠဒါန် ဂအာၚ်တိ ဘာရာမညရဋ္ဌဘောဇနသာလာ မိယေန်သဳတာ ကေုာံ ကောန်ဝုတ် မဒှ်ကောန် (နာဲထောန်အိၚ်) မိပါန်ကျဳ ၚုဟ်မးဂအာၚ်တိ ဝတ္ထုဒါန်သြန်အိုတ်အာ ၂၂၅ ကိုဋ်။ ၚုဟ်မးဝတ္ထုဒါန်သြန်သိုၚ်ပ္တန် အိုတ်အာ ၆၇၀၀ ကိုဋ်။

တ္ၚဲဖ္ဍောတ်မ္ၚဵုတက်တိုၚ်ရိုဟ်ကၞက် ဘာရာမညရဋ္ဌ ဓမ္မဒေသနာ ၁၃၇၅ သၞာံ ဂိတုဇှ်ေ ၅ မံက် တ္ၚဲဗြဴဗတိ 13 June, 2012 အခိၚ်သဝ်တ္ၚဲ ၄ နာဍဳ၊ ညးမတိုန်စိုပ်ဂမၠိုၚ် ဂကောံကျာ်ဇၞော်အ္စာ၊ တၠဂုဏ်အ္စာဂမၠိုၚ် ဂကောံသၚ်ဘာသန္တိသုခဂမၠိုၚ် ဂကောံသဳလ ဘာဂြိုပ်ဍုၚ်သြေၚ်ဂမၠိုၚ် ဂကောံကွးဘာဗ္တောန်ဘာသန္တရ ဘာသန္တိသုခဂမၠိုၚ်။

ညးမတက်တိုၚ်ရိုဟ်ကၞက်

• ကျာ်ဇၞော်အ္စာ သဳလာစာရ ဘာဗ္ဂေါပရိယတ္တိမန် ဍုၚ်မတ်မလီု
• ကျာ်ဇၞော်အ္စာ ဝိမလဗုဒ္ဓိ ဘာမြစေတီ ရဲကျောၚ်း ဍုၚ်မတ်မလီု
• ကျာ်ဇၞော်အ္စာ ပါလရာမည ဘာပရိယတ္တိဝေဒဳ ဍုၚ်မတ်မလီု
• ကျာ်ဇၞော်အ္စာ ကောကဏ္ဍည ဘာကၟာဆီ ဍုၚ်လ္ဂုၚ်
• ကျာ်ဇၞော်အ္စာ ဘာဓမ္မကာမဳ ဍုၚ်မတ်မလီု
• တၠဂုဏ်အ္စာ အဂ္ဂဇိန ဘာသန္တိသုခ ဍုၚ်မတ်မလီု
• တၠဂုဏ်အ္စာ ဓမ္မိက ကွာန်ကုန်မိပ်ဇြိပ်
• တၠဂုဏ်အ္စာ သဳလစာရ ဘာရာမညရဋ္ဌဗုဒ္ဓတက္ကသိုလ်
• တၠဂုဏ်အ္စာ ခေမာသာရ ဘာရာမညရဋ္ဌဗုဒ္ဓတက္ကသိုလ်

တ္ၚဲစသိုၚ်ခၞံ ဘာရာမညရဋ္ဌ ဓမ္မဒေသနာ ၁၃၇၅ သၞာံ ဂိတုဒ္ဂိုန် ၃ မံက် တ္ၚဲဗုဒ္ဓဝါ 10 July, 2012 တ္ၚဲသိုၚ်ခၞံ ဘာရာမညရဋ္ဌ ဓမ္မဒေသနာ တုဲဒှ်အာ ၁၃၇၇ သၞာံ ဂိတုမာ်ပေၚ် တ္ၚဲသ္ၚိသဝ် 23 Jan, 2016 ညးတၠဒါန်သိုၚ်ခၞံ ဘာရာမညရဋ္ဌဓမ္မဒေသနာ တၠဂုဏ်အ္စာသဳလာစာရ တၠဂုဏ်အ္စာခေမာသာရ ဒါယကာတၠဒါန်ဂအာၚ်တိ ဘာရာမညရဋ္ဌဓမ္မဒေသနာ နာဲမိုၚ်သုၚ်+မိလှကျေန်။ ၚုဟ်မးဂအာၚ်တိ ဝတ္ထုဒါန်သြန်အိုတ်အာ ၂၁၅ ကိုဋ်။ ၚုဟ်မး ဝတ္ထုဒါန်သြန်အိုတ်အာ ၆၅၁၉၆၉၀၀၀ ရ။

 

 

သၞာံ ၁၃၈၁၊ ဂိတုပုဟ် (၂) စွေက် 11 Jan, 2020 ဂှ် ရာမညရဋ္ဌဗုဒ္ဓတက္ကသိုလ်၊ ဍုၚ်မတ်မလီု ပိုက်နုက်မဟာသီ ဗၞတ်သၚ် (၁၇၅၀) ဇကုတိုန်စိုတ်ရ။

ဂအာၚ်သီသီုဖအိုတ် နွံဒၟံၚ် ပေ (၄၀,,၅၀၀) ပန်ကၠုၚ်