တိုက်ပရိယတ္တိ၊ ဘာဂိုဏ်ရာမညနိကာယ ကွာန်တၟအ်ကၞေင်
ဘာတိုက်ပရိယတ္တိဝွံ နွံပ္ဍဲကွာန်တၟအ်ကၞေင် ပွိုင်ဍုင်ရေဝ် တွဵုရးဍုင်မန်ရ။ ဘာဝွံ ကျာ်ဇၞော်အစာဘဒ္ဒန္တပဏ္ဍိတတိက္ခ စပ္တန်လဝ် နူသက္ကရာဇ် ၁၂၂၉ တုဲ ဒှ်ဘာတိုက်လိက်ပရိယတ္တိမွဲရ။
ဝင်
သက္ကရာဇ် ၁၂၂၉ ကျာ်ဇၞော်အစာ ဘဒ္ဒန္တပဏ္ဍိတတိက္ခ ပ္တန်လဝ် အရှာံဘာကီု သီုကဵုဘာဆုမွဲရ။ ဘာဆုဂှ် ဂွံမံင်အာယုက် ၆၄တုဲ ဗျုတြေံအိုဟ်ဗွဲမလောန်တုဲ ရိုဟ်ပလီုတုဲ သက္ကရာဇ် ၁၂၉၃ ဂှ် က္လေင်သြိုင်လဝ်တၟိ လတူဒၞာဲဘာတြေံဂှ်ရ။ ဘာမသြိုင်တၟိဂှ်လေဝ် ဂွံ ၄၆ သၞာံတုဲ လီုလာ်ဂၠိုင် ဗွဲမလောန်တုဲ သက္ကရာဇ် ၁၃၃၉ ဂိတုဖဝ်ရဂိုန် ၁ စွေက်ဂှ် က္လေင်ရိုဟ်ပလီုတုဲ သက္ကရာဇ် ၁၃၃၉ ဂိတုဖဝ်ရဂိုန် ၈ စွေက်ဂှ် ကျာ်ဇၞော်အစာ ဘဒ္ဒန္တပညာဇောတိ၊ ဘဒ္ဒန္တဝံသဒိပ ကေုာံ တၠဂုဏ်အစာ ဝိသုဒ္ဓတအ် အာဂတတုဲ သြိုင်ခၞံပတိုန် ဘာတိုက်ရ။ ပ္ဍဲလက်ထက် ကျာ်ဇၞော်ပဏ္ဍိတတိက္ခ သၞာံ ၁၂၆၅ ဂှ် ညးသြိုင်လဝ် ဘာတိုက်မွဲမဂှ် လၟုဟ်ကော်စ ဘာတိုက်တြေံ။ သက္ကရာဇ် ၁၂၇၁ ဂှ် ကျာ်ဇၞော်ပဏ္ဍိတတိက္ခ ထ္ၜုတ်လဝ်ခဏ္ဍသိမ်မွဲရ။
လၟေင် ကျာ်ဇၞော်မနွံပိုန်ဘာဂမၠိုင်
- ကျာ်ဇၞော် ဘဒ္ဒန္တပဏ္ဍိတတိက္ခ
- ကျာ်ဇၞော် ဘဒ္ဒန္တပညာဇောတိ၊ စဴသွဝ် သက္ကရာဇ် ၁၃၅၁
- ကျာ်ဇၞော် ဘဒ္ဒန္တဝံသဒိပ စဴသွဝ် သက္ကရာဇ် ၁၃၆၀
- ကျာ်ဇၞော် ဘဒ္ဒန္တဝိသုဒ္ဓ စဴသွဝ် သက္ကရာဇ် ၁၃၆၅
- ကျာ်ဇၞော် ဘဒ္ဒန္တခေမာဝန္တ စဴသွဝ် သက္ကရာဇ် ၁၃၇၁
- ကျာ်ဇၞော် ဘဒ္ဒန္တစန္ဒိမာ စဵုကဵုအခိင်လၟုဟ်
နိဿဲ
This article uses material from the Wikipedia မန် article တိုက်ပရိယတ္တိ၊ ဘာဂိုဏ်ရာမညနိကာယ ကွာန်တၟအ်ကၞေင်, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ပရောပရာတၚ်လညာတ်တၞဟ်ယဝ်ရဟွံမွဲတှ်ေပ္ဍဲ CC BY-SA 4.0 မဒုၚ်ကေတ်မာန်ရ။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မန် (DUHOCTRUNGQUOC.VN) is an independent company and has no affiliation with Wiki Foundation.