ဝတ္ထုဇမၠေအ် −( မတ်အဲၜါမ မၚ်မွဲလဝ်ခိုဟ်ခိုဟ် )
နွံသၟတ်ဗြဴမတ်ကၠက်မွဲဂှ် ညးတေံအောန်စိုတ် ဟိုတ်နူမတ်ၜါမမုဟွံဆဵုမွဲသာ်၊ သၟတ်ဗြဴမတ်ကၠက်ဂှ် ညးတေံက္ဍုဟ်ညးတၞဟ်သီုဖအိုတ်ပါဲနူကဝေၚ်ညးတေံမွဲ ။
နွံကာလမွဲတ္ၚဲ သၟတ်တြုံကဝေၚ်ညးတေံဂှ်သၟာန်တိုန်သာ်ဝွံရ−−စိုပ်အခါမွဲတ္ၚဲ ယဝ်မတ်ဗှ်ေရံၚ်ညာတ်မ္ဂးတှ်ေ ဗှ်ေထပ်တဲကဵုအဲဟာ သၟတ်တြုံဂှ်ဂးတုဲ − သၟတ်ဗြဴဂှ်ကလေၚ်သွဟ်ကဵုဗွဲမမြက်မြက်ပြဟ်ပြဟ် −− အဲဆာန်ဗှ်ေမွဲရတှ်ေ ထပ်တဲကဵုဗှ်ေဟေၚ်ရ သမ္တီလဝ်ညိ သၟတ်ဗြဴကလေၚ်သွဟ်ကဵု ။
ခြာဟွံလအ်ဂှ် မၞိဟ်တၠစေတနာကဵုဒါန်မတ်တုဲ သၟတ်ဗြဴဂှ်လေဝ် ရံၚ်ဆဵုညာတ်တုပ်ကဵုမၞိဟ်ပကတိ သီုဆဵုညာတ်ကဝေၚ်ညးတေံကၠးကၠးရ၊ − ဓဝါဲဂှ် သၟတ်တြုံဂှ်ကလေၚ်ထပ်သၟာန်မွဲဝါပၠန် −− အခိၚ်လၟုဟ်ဗှ်ေရံၚ်ဆဵုညာတ်တုဲ ဗှ်ေထပ်တဲကဵုအဲဂွံရသေၚ်ဟာ − ဓဝါဲဂှ် သၟတ်ဗြဴဆဵုညာတ်ကေတ်ကဝေၚ်ဇကုမတ်ကၠက်ဒၟံၚ်သီုၜါလပါ်တုဲ − ကလအ်ရဏး အဲထပ်တဲကဵုဗှ်ေဟွံဂွံပုဟ် ဟိုတ်နူဗှ်ေမတ်ကၠက်မံၚ် သၟတ်ဗြဴဂှ်သ္ဂး ။
ဓဝါဲဂှ် သၟတ်တြုံမတ်ကၠက် နကဵုတဲၜါလပါ် ဖါဲကွာ်တိတ်အာသိုက်သိုက်တုဲ ကူချပ်ဂွံမွဲ ကလေၚ်ဟီုဗ္ကန်ကဵုသၟတ်ဗြဴအရေဝ်မွဲပါၚ်ဗွဲလက္ကရဴဂှ်တှ်ေ − ယဝ်ဗှ်ေထပ်တဲကဵုအဲဟွံမာန်မ္ဂး မတ်အဲၜါမဂှ် ဗှ်ေမၚ်မွဲလွဳပရာလဝ်ကဵုခိုဟ်ခိုဟ်ညိဏး ။
(ဝတ္ထုဍောတ်မွဲပိုဒ်ဝွံ ကဵုသွဟ်သွက်ဘဝဆာန်သၟတ်တြုံသၟတ်ဗြဴတံ အဃောမဂၠာဲမိတ်ဒါန်ပ္ဍဲတ္ၚဲဏံဇၞော်ကဵုဒြဟတ်ဏောၚ်ထေၚ်ကေတ်) ဆာန်ပိုဲဟီုဂှ် ၚုဟ်မးနွံဂလိုၚ်လဵု ကဵုသွဟ်အိုတ်ညိ ။
This article uses material from the Wikipedia မန် article မတ်အဲၜါမ မၚ်မွဲလဝ်ခိုဟ်ခိုဟ် (ဝတ္ထုဇမၠေအ်), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ပရောပရာတၚ်လညာတ်တၞဟ်ယဝ်ရဟွံမွဲတှ်ေပ္ဍဲ CC BY-SA 4.0 မဒုၚ်ကေတ်မာန်ရ။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မန် (DUHOCTRUNGQUOC.VN) is an independent company and has no affiliation with Wiki Foundation.