Дуучин Эгшиглэн
Эгшиглэн хэмээн дуудуулдаг Монголын эмэгтэй дуучин Төмөрбаатарын Болортуяа 1989 оны 1 сарын 14-нд Улаанбаатар хотод төржээ.
Тэрээр 2006 онд Сүхбаатар дүүргийн "Эрдэм төгс" бүрэн дунд сургуулийг төгсөөд "Глобал Удирдагч" дээд сургуульд санхүү менежментээр мэргэжихээр элсэн сурсан. 2006 онд "Шинэ давалгаа" тэмцээнд оролцож байсан Эгшиглэнг тэмцээний шүүгч Б.Наранзун анхаарч B production-д шалгуулахыг зөвлөжээ. Болдын B production (Би продакшн)-тай гэрээлсэн Эгшиглэн Sho-гийн «Амьдралын тоглоом» дууны дахилтыг дуулснаар монгол дуу сонсогчдод анх удаа танигдсан. Түүнээс хойш «Найрах арга чинь буруудаад байна», «100%» (дуучин BX хавсарсан), ВX-тэй хослосон «Love song (Хайр дурлалын дуу)», Quiza, BX, Агиймаа нартай хамтарсан «Хэв маягаа эвдэцгээе» зэрэг дуугаар хүүхэд залуусын дунд алдаршив. 2011 онд «Хоёр хоёрын тав» киноны дууг дуулснаар Эгшиглэн уянгын дууг сайхан дуулж чаддагаа мэдрүүлсэн.
| Дуучин Эгшиглэн | |
| Жинхэнэ нэр | Төмөрбаатарын Болортуяа |
|---|---|
| Төрсөн он | 1989 оны 1 сарын 14 |
| Төрсөн газар | Монгол улсын Улаанбаатар хот |
| Яс үндэс | Монгол үндэстэн |
| Улсын иргэн |  Монгол (МУ) |
| Ажил үйл | дуучин |
| Дуулдаг хэл | монгол хэл |
| Урсгал | поп, R&B |
| Танил үе | 2006 он — одоо |
| Зууч | B production (Би продакшн) |
Иш татсан холбоос
This article uses material from the Wikipedia Монгол article Дуучин Эгшиглэн, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.