Хятадын Коммунист Нам

Хятадын Коммунист Нам /ХКН/ 76 сая гаруй гишүүнтэй, дэлхийн улс төрийн хамгийн том байгууллага. 2017 оны 10-р сард зохион байгуулагдсан 19-р Үндэсний Конгрессоос сонгогдсон Ши Жиньпин өнөөгийн тэргүүлэх удирдагч юм.

Хятадын Коммунист Нам 中国共产党 Zhōngguó Gòngchǎndǎng
Ерөнхий нарийн бичгийн дарга	Ши Жиньпин
Байнгын хороо	Ши Жиньпин Ли Кэчян Ли Жаньшу Ван Ян Ван Хунин Жао Лэжи Хань Жэнь
Байгуулагчид	Чэнь Дусю Ли Дажао ... ба бусад 1-р Үндэсний Их хурлын төлөөлөгчид: Хенк Сневлит Владимир Нейман [de; zh] Ли Да Ли Ханжунь Жан Гуотао Лю Ренжин [zh] Мао Зэдун Хэ Шухэн Дун Биву Чэнь Таньчю Ван Жиньмэй Ден Энмин [zh] Чэнь Гунбо Жоу Фохай Бао Хуйсэн [zh]
Байгуулагдсан	7 сарын 23, 1921; 102 жилийн өмнө (1921-07-23) (1-р Үндэсний Их Хурал) Хятадын Коммунист Намын Үндэсний Анхны Их Хурлын Байр, 106 Rue Wantz, Шанхайн Францын концесс
Төв байр	Жуннаньхай, Шичен дүүрэг, Бээжин
Сонин	Ардын өдөр тутмын
Залуучуудын жигүүр	Хятадын Коммунист Залуучуудын Холбоо Хятадын Залуу Пионерууд
Зэвсэгт жигүүр	Ардын Чөлөөлөх Арми Ардын Зэвсэгт Цагдаа
Ажилчдын жигүүр	Бүх Хятадын Үйлдвэрчний Эвлэлийн Холбоо
Хэвлэлийн жигүүр	Хятадын Медиа Групп
Судалгааны газар	Бодлогын Судалгааны Төв Газар
Гишүүдийн тоо (2022)	▲ 96,710,000
Үзэл баримтлал	Хятадын онцлогтой Социализм Коммунизм Марксизм-Ленинизм Мао Зэдуны Онол Дэн Сяопины Онол Гурвалсан төлөөлөл Ши Жиньпины Онол Социалист эх оронч үзэл Хятадын үндсэрхэг үзэл
Үндэсний харъяалал	Нэгдсэн Фронт
Олон улсын харъяалал	КАНОУУ ОУКС (татан буугдсан)
Өнгө(нүүд)	Улаан
Уриа	"Ард түмэнд үйлчил" (хят. 为人民服务)
Дуулал	"Интернационал" (хят. 国际歌)
Ардын төлөөлөгчдийн их хурал (13-р)	2,090 / 2,980
АТИХ-ын байнгын хороо	118 / 175
Намын туг
Цахим холбоос
cpc.people.com.cn

ХКН-ын туйлын зорилго бол коммунист нийгэм байгуулах явдал юм. Хятадын Коммунист Нам үйл ажиллагаандаа "Марксизм-Ленинизм, Мао Зэдуны үзэл баримтлал", Дэн Сяопиний онол, Зяан Зэминий "Гурван төлөөллийн онол" , "шинжлэх ухааны үзэл баримтлал" -аар удирдуулж байгаагаа тунхаглаж байна. "Ху Зинтао ба Ши Жиньпиний шинэ үеийн Хятадын онцлогтой социализмын үзэл санаа зэрэг юм. Оросын 1917 оны Октябрын хувьсалын нөлөөгөөр Коминтерний тусламжтайгаар марксизм-ленинизмын үзэл санааг Хятадад түгээж үндэсний хувьсгалт хөдөлгөөн өрнүүлж Хятадын Коммунист нам 1921 оны 7 дугаар сард байгуулагдсан ажээ.

ХКН-ыг 1921-1927 онуудад намыг тэргүүлж байсан Чень Дусю тэргүүтэй хэсэг нөхдүүд байгуулсан байна.

ХКН-ын Анхдугаар их хурлыг 1921 оны 6 дугаар сарын сүүл, 7 дугаар сарын эхээр Шанхай хотод 12 төлөөлөгчтэй нууц байдалтай зохион байгуулсан байна. Хурлаар Хятадад социализм байгуулах намын эцсийн зорилгыг тунхаглав. Хятадын зүүний үзэлтэй сэхээтний төлөөллөөс бүрдсэн "дугуйлан" -аас дэлхийн хамгийн том улс төрийн нам болтлоо өргөжсөн юм.

ХКН-ын түүхийг дараах үе шатанд хувааж болно.

1. Гоминдантай нэгдэн милитарист бүлэглэлүүдийн эсрэг фронтын үе (1922-1927).
2. Хятад дахь Зөвлөлт Бүгд Найрамдах Улс буюу улс орны эрх мэдлийн төлөө Гоминдантай хийсэн тэмцлийн үе (1927-1937).
3. Японы түрэмгийллийн эсрэг тэмцэл, Хоёрдугаар Гоминдантай нэгдсэн фронтыг байгуулсан үе (1937-1945).
4. Хятад дахь иргэний дайн (1946-1949) - Гоминдантай хийсэн дайны үе.
5. Бүгд Найрамдах Хятад Ард ​​Улс байгуулагдсаны дараа үе(1949 оноос хойш) - нам улс орондоо эрх баригч нам болон төлөвшсөн үе.

ХКН 2015 оны байдлаар 86 сая, 2022 оны байдлаар 96,7 сая гишүүнтэй байна. Үүүнээс:

• • тариаланчид -25,9 сая
  • удирдах бөгөөд техник ажилтнууд -12,5 сая
  • намын ажилтнууд -9 сая
  • албан хаагчид - 7,4 сая
  • ажилчид - 7,3 сая

 

ХКН-ын Төв Хорооны Улс төрийн товчооны Байнгын хорооны өнөөгийн гишүүд нь:

Ши Жиньпин - ХКН-ын Төв хорооны Ерөнхий нарийн бичгийн дарга, БНХАУ-ын дарга, ХКН-ын Төв хорооны Цэргийн зөвлөлийн дарга.

Ли Көцян - БНХАУ-ын Төрийн Зөвлөлийн Ерөнхий сайд

Ли Жаншу - БХАТИХ-ын Байнгын хорооны дарга

Ван Ян - Бүх хятадын ардын улс төрийн Зөвлөлдөх үндэсний хорооны дарга

Ван Хунин - ХКН-ын Төв Хорооны Нарийн бичгийн дарга нарын газрын нэгдүгээр нарийн бичгийн дарга

Жао Лэжи - ХКН-ын Сахилга бат шалгах төв комиссын дарга

Хан Жэн - БНХАУ-ын Төрийн зөвлөлийн Ерөнхий сайдын орлогч

ХКН-ын Төв хорооны нарийн бичгийн газрын гишүүд:

• Ван Хунин
• Дин Сюэсян
• Ян Сяоду
• Чэнь Си
• Го Шэнкунь
• Хуан Куньмин
• Ю Цюань

Хятадын Коммунист намын ХХ дугаар Их хурал Бээжин хотноо 2022 оны 10-р сарын 16-22-ны өдрүүдэд болов.

1977 оноос хойш 5 жил тутам болж БНХАУ-ын улс төрийн амьдралыг тодорхойлдог ирсэн Хятадын Коммунист намын Тус Их хуралд 2296 төлөөлөгч оролцсон байна.

•   Commons: Хятадын Коммунист Нам – Викимедиа зураг, бичлэг, дууны сан