സമീർ അഞ്ജാൻ

ഏറ്റവുമധികം പാട്ടുകൾ എഴുതിയതിന് ഗിന്നസ് വേൾഡ് റെക്കോർഡ് ഉടമകൂടിയാണ് അദ്ദേഹം.

സമീർ അൻജാൻ
സമീർ അൻജാൻ, 2006-ൽ
ജനനം	ശീതല പാണ്ഡേ വാരാണസിയുടെ സമീപം, ഉത്തർപ്രദേശ്, ഇന്ത്യ
തൊഴിൽ	ഗാന രചയിതാവ്
സജീവ കാലം	1983–മുതൽ ഇപ്പോൾ വരെ
ജീവിതപങ്കാളി(കൾ)	അനിത പാണ്ഡേ
കുട്ടികൾ	3
മാതാപിതാക്ക(ൾ)	അൻജാൻ (പിതാവ്)

അദ്ദേഹത്തിന്റെ പിതാവ് പ്രശസ്ത ഗാനരചയിതാവ് ലാൽജി "അഞ്ജാൻ" പാണ്ഡെയാണ്. അദ്ദേഹം സിനിമാ ഗാനരചനയിൽ മൂന്ന് ഫിലിംഫെയർ അവാർഡുകൾ കരസ്ഥമാക്കിയിട്ടുണ്ട്.

ശീതല പാണ്ഡെ എന്നാണ് ഔദ്യോഗിക പേര് എങ്കിലും സമീർ എന്ന പേരിലാണ് അദ്ദേഹം ഗാനരചന നിർവഹിക്കുന്നത്. രാജൻ എന്നത് അദ്ദേഹത്തിന്റെ വിളിപ്പേര് ആണ്. ഉത്തർപ്രദേശിലെ ബനാറസിനടുത്താണ് സമീർ അഞ്ജാൻ ജനിച്ചത്. വാരണാസിയിലെ ബനാറസ് ഹിന്ദു സർവകലാശാലയിൽ നിന്ന് കൊമേഴ്‌സിൽ ബിരുദം നേടിയ അദ്ദേഹം സെൻട്രൽ ബാങ്ക് ഓഫ് ഇന്ത്യയിൽ ബാങ്ക് ഓഫീസറായി ജോലി ആരംഭിച്ചു. പക്ഷേ, ജോലിയിൽ പ്രവേശിച്ച് കുറച്ച് ദിവസങ്ങൾക്ക് ശേഷം, "ബാങ്ക് അല്ല എന്റെ ലോകം" എന്ന് തിരിച്ചറിഞ്ഞ് ജോലി ഉപേക്ഷിച്ചു. ഒരു ഗാനരചയിതാവായി ഒരു കരിയർ തുടങ്ങാനായി അദ്ദേഹം -ൽ മുംബൈയിലേക്ക് മാറി.

1983-ൽ ബേഖബർ (1983) എന്ന ചിത്രത്തിലൂടെ ഗാനരചയിതാവായി സമീർ തന്റെ കരിയർ ആരംഭിച്ചു. സുരേഷ് വാഡ്കറും പ്രീതി സാഗറും ചേർന്ന് ആലപിച്ച ഭോജ്പുരി ചിത്രമായ ബൈരി സാവാൻ (1984) എന്ന ചിത്രത്തിലെ "മാർ കേ കതാരീ മർ ജയ്ബെ" എന്ന ഗാനമാണ് അദ്ദേഹം ആദ്യമായി റെക്കോർഡ് ചെയ്തത്. 1990-ൽ ദിൽ, ആഷിഖി തുടങ്ങിയ ചിത്രങ്ങളിലെ ഗാനങ്ങളിലൂടെ ശ്രദ്ധേയനായി. ആഷിക്കി എന്ന സിനിമയിലെ "നസർ കേ സാമ്നേ" എന്ന ഗാനത്തിന് അദ്ദേഹം തന്റെ ആദ്യ ഫിലിംഫെയർ അവാർഡ് നേടി. തുടർന്നുള്ള ദശകങ്ങളിൽ അദ്ദേഹം ബോളിവുഡ് സിനിമകളിലെ പ്രമുഖ ഗാനരചയിതാവായി ഉയർന്നു. 500-ലധികം സിനിമകളിലായി 4,000-ലധികം ഗാനങ്ങൾക്ക് വരികൾ എഴുതി.

ഗാനരചയിതാക്കളായ മജ്‌റൂഹ് സുൽത്താൻപുരി, ആനന്ദ് ബക്ഷി, പിതാവ് അഞ്ജാൻ എന്നിവരാണ് പ്രചോദനമെന്ന് അദ്ദേഹം പറയുകയുണ്ടായി. "ഇന്ന് ഞാൻ ഏതു സ്ഥാനത്താണോ അത് അച്ഛൻ കാരണം മാത്രമാണ്" എന്ന് അദ്ദേഹം പലപ്പോഴും പറഞ്ഞിട്ടുണ്ട്.

1993ലും 1994ലും സമീർ രണ്ട് അധിക ഫിലിംഫെയർ അവാർഡുകൾ നേടി. ഒന്ന് ദീവാന സിനിമയിലെ "തേരി ഉമ്മീദ് തേരാ ഇൻതസാർ" എന്ന ഗാനത്തിനും രണ്ടാമത്തേത് ഹം ഹേ രാഹി പ്യാർ കേയിലെ "ഘൂങ്ഘട്ട് കി ആഡ് സേ" എന്ന ഗാനത്തിനും. 1998-ൽ, കുച്ച് കുച്ച് ഹോത്താ ഹേയിലെ " കുച്ച് കുച്ച് ഹോത്താ ഹേ " എന്ന ചിത്രത്തിന് സീ സിനി അവാർഡ് നേടി. ബേട്ടാ, സാജൻ, രാജാ ബാബു, കൂലി നമ്പർ 1, രാജാ ഹിന്ദുസ്ഥാനി, അഞ്ജാം, കുച്ച് കുച്ച് ഹോത്താ ഹേ, ഫിസ, ധഡ്കൻ, കഭി ഖുഷി കഭി ഗം, ദേവദാസ്, റാസ്, ദിൽ ഹേ തുംഹാര , ഇഷ്ക് വിഷ്ക്, ദിൽ മാംഗേ മോർ, തേരേ നാം, അസംഭവ്, ഫിദ, നോ എൻട്രി, അക്സർ, ധൂം 2, സാവരിയ, റേസ്, ദമാദം!, ഹൗസ്‌ഫുൾ 2, റൗഡി റാത്തോഡ്, സൺ ഓഫ് സർദാർ, ദബാംഗ് 2, ബൽമ തുടങ്ങിയ ചിത്രങ്ങളിലെ ഗാനങ്ങൾ അദ്ദേഹത്തിന്റെ പ്രശസ്തമായ ചില ഗാനങ്ങളാണ്.

സംഗീതസംവിധായകരായ നദീം-ശ്രാവൺ ജോഡികൾ തങ്ങളുടെ മിക്ക സിനിമാ സംഗീതങ്ങൾക്കും ഗാനരചയിതാവായി സമീറിനെ തിരഞ്ഞെടുത്തു. പ്രശസ്ത സംഗീതസംവിധായകരായ ആനന്ദ്-മിലിന്ദ് എന്നിവരുടെ സംഗീത സംവിധാനത്തിൽ സമീർ 950-ലധികം ഗാനങ്ങൾ രചിച്ചു. രാജേഷ് റോഷൻ, ഉത്തം സിംഗ് , ഇളയരാജ, ജതിൻ-ലളിത്, ദിലീപ് സെൻ-സമീർ സെൻ, നിഖിൽ-വിനയ്, അനു മാലിക്, ആദേശ് ശ്രീവാസ്തവ, ആനന്ദ് രാജ് ആനന്ദ്, വിജു ഷാ, എആർ റഹ്മാൻ, വിദ്യാസാഗർ, ഹിമേഷ് രേഷാമിയ, ഇസ്മായിൽ ദർബാർ, ബാപ്പി ലാഹിരി, വിശാൽ-ശേഖർ, മോണ്ടി ശർമ്മ, ശങ്കർ-എഹ്‌സാൻ-ലോയ്, സാജിദ്-വാജിദ്, പ്രീതം, സന്ദേശ് ഷാൻഡില്യ, സഞ്ജീവ്-ദർശൻ, സച്ചിൻ-ജിഗർ, അദ്നാൻ സമി തുടങ്ങിയ സംഗീത സംവിധായകർക്കൊപ്പവും അദ്ദേഹം പ്രവർത്തിച്ചിട്ടുണ്ട്.

സമീറിന്റെ നിരവധി ഗാനരചനകൾ ഉണ്ടെങ്കിലും അവയെല്ലാം ഉൾക്കൊള്ളിക്കാൻ കഴിയാത്തതിനാൽ ഈ പട്ടിക അപൂർണ്ണമാണ്.

ആൽബങ്ങൾ