വിൻസ് ഗില്ലിഗനും പീറ്റർ ഗൗൾഡും ചേർന്ന് സൃഷ്ടിച്ച ഒരു അമേരിക്കൻ ടെലിവിഷൻ ക്രൈം നാടക പരമ്പരയാണ് ബെറ്റർ കോൾ സോൾ.
2000 കളുടെ തുടക്കത്തിൽ നടക്കുന്നതായി ചിത്രീകരിച്ചിട്ടുള്ള ഈ പരമ്പര ഗില്ലിഗന്റെ ബ്രേക്കിംഗ് ബാഡ് എന്ന മുൻ പരമ്പരയുടെ ഒരു സ്പിൻ-ഓഫ് ആണ്. ബ്രേക്കിംഗ് ബാഡിലെ സംഭവങ്ങൾക്ക് ആറു വർഷം മുമ്പ്, കേസില്ലാ വക്കീൽ ആയ ജിമ്മി മക്ഗിൽ പിന്നീട് ക്രിമിനലുകളുടെ ആശ്രയമായ സോൾ ഗുഡ്മാൻ എന്ന വ്യക്തിത്വത്തിലേക്ക് പരിവർത്തനം ചെയ്യുന്നതാണ് പ്രതിപാദിക്കുന്നത്. മക്ഗിൽ മൈക്ക് എർമാൻട്രോട്ട് എന്ന മുൻപൊലിസുകാരന്റെ കേസ് ഏറ്റെടുക്കുന്നു. മൈക്ക് പിന്നീട് തന്റെ കഴിവുകൾ ഉപയോഗിച്ച് ന്യൂ മെക്സിക്കോയിലെ ആൽബക്വർക്കിയിൽ മയക്കുമരുന്ന് മാഫിയയിൽ ചേരുന്നു. ഈ പരമ്പര ഫെബ്രുവരി 8, 2015 ന് എഎംസിയിൽ ആദ്യമായി പ്രദർശിപ്പിച്ചു. പരമ്പരയുടെ അഞ്ചാം സീസൺ 2020 ഫെബ്രുവരി 23 ന് പ്രദർശിപ്പിച്ചു, ആറാമത്തെയും അവസാനത്തെയും സീസൺ 2021 ൽ സംപ്രേഷണം ചെയ്യും.
ബെറ്റർ കോൾ സോൾ | |
---|---|
തരം |
|
സൃഷ്ടിച്ചത് |
|
അഭിനേതാക്കൾ |
|
തീം മ്യൂസിക് കമ്പോസർ | Little Barrie |
ഈണം നൽകിയത് | Dave Porter |
രാജ്യം | United States |
ഒറിജിനൽ ഭാഷ(കൾ) | English |
സീസണുകളുടെ എണ്ണം | 5 |
എപ്പിസോഡുകളുടെ എണ്ണം | 50 (എപ്പിസോഡുകളുടെ പട്ടിക) |
നിർമ്മാണം | |
എക്സിക്യൂട്ടീവ് പ്രൊഡ്യൂസർ(മാർ) |
|
നിർമ്മാണം |
|
നിർമ്മാണസ്ഥലം(ങ്ങൾ) | Albuquerque, New Mexico |
ഛായാഗ്രഹണം | Arthur Albert Marshall Adams |
സമയദൈർഘ്യം | 42–61 minutes |
പ്രൊഡക്ഷൻ കമ്പനി(കൾ) |
|
വിതരണം | Sony Pictures Television |
സംപ്രേഷണം | |
ഒറിജിനൽ നെറ്റ്വർക്ക് | AMC |
Picture format |
|
Audio format | 5.1 |
ഒറിജിനൽ റിലീസ് | ഫെബ്രുവരി 8, 2015 | – present
കാലചരിത്രം | |
മുൻഗാമി | Breaking Bad |
അനുബന്ധ പരിപാടികൾ | Talking Saul |
External links | |
Website |
ചെറിയ വരുമാനം മാത്രമുള്ള ഒരു അഭിഭാഷകനായ ജിമ്മി മക്ഗിൽ ഒരു നെയിൽ സലൂണിന്റെ പിൻമുറി വീടും ഓഫീസും ആക്കി പ്രവർത്തിച്ചുവരുന്നു. അദ്ദേഹത്തിന്റെ സുഹൃത്തും കാമുകിയുമായ കിം വെക്സ്ലർ ( റിയ സീഹോൺ ) ഹാംലിൻ, ഹാംലിൻ & മക്ഗിൽ (എച്ച്എച്ച്എം) എന്ന സ്ഥാപനത്തിൽ അഭിഭാഷകയായി ജോലിചെയ്യുന്നു. ഈ സ്ഥാപനത്തിന്റെ പങ്കാളികൾ ജിമ്മിയുടെ സഹോദരനായ ചക്ക് മക്ഗില്ലും (മൈക്കൽ മൿകീൻ) ഹവാർഡ് ഹാംലിനും (പാട്രിക് ഫാബിയൻ) ആണ്. ജിമ്മിയിൽ നിന്ന് നിയമോപദേശം തേടിയതിന് ശേഷം മൈക്ക് നാച്ചോ വർഗ എന്ന മയക്കുമരുന്ന് വിതരണക്കാരന് സുരക്ഷയും നിർദേശങ്ങളും കൊടുക്കുന്നു. നാച്ചോ പിന്നീട് ഗസ് ഫ്രിങ് എന്ന മയക്കുമരുന്ന് രാജാവിനു വിവരങ്ങൾ ചോർത്തികൊടുക്കുന്നയാൾ ആവുന്നു. അവരുടെ പ്രവർത്തനങ്ങൾക്ക് എതിരാളികളായ സലാമാങ്ക കുടുംബം, പ്രത്യേകിച്ച് ലാലോ സലമാങ്ക, തടസ്സമാവുന്നു. ഓഡൻകിർക്ക്, ബാങ്ക്സ്, എസ്പോസിറ്റോ എന്നിവരെല്ലാം ബ്രേക്കിംഗ് ബാഡിൽ നിന്ന് അവരുടെ റോളുകൾ ആവർത്തിക്കുന്നു.
അഭിനയം, കഥാപാത്രങ്ങൾ, ഛായാഗ്രഹണം എന്നിവയ്ക്ക് ബെറ്റർ കോൾ സോൾ മികച്ച നിരൂപക പ്രശംസ നേടി. പലനിരൂപകരും ഇതിനെ ബ്രേക്കിംഗ് ബാഡിന്റെ തീർത്തും യോഗ്യമായ പിൻഗാമിയാണെന്നും ഇതുവരെ നിർമ്മിച്ചതിൽ ഏറ്റവും മികച്ച പ്രീക്വെലുകളിലൊന്നായും വിശേഷിപ്പിച്ചു. മുൻഗാമിയെക്കാൾ മികച്ചതാണ് ഇതെന്ന് കരുതുന്നവരുമുണ്ട്. ഒരു പീബൊഡി അവാർഡ്, 23 പ്രൈംടൈം എമ്മി അവാർഡുകൾ, ഏഴ് റൈറ്റേഴ്സ് ഗിൽഡ് ഓഫ് അമേരിക്ക അവാർഡുകൾ, അഞ്ച് ക്രിട്ടിക്സ് ചോയ്സ് ടെലിവിഷൻ അവാർഡുകൾ, ഒരു സ്ക്രീൻ ആക്ടേഴ്സ് ഗിൽഡ് അവാർഡ്, രണ്ട് ഗോൾഡൻ ഗ്ലോബ് അവാർഡുകൾ എന്നിവ ഉൾപ്പെടെ നിരവധി നാമനിർദ്ദേശങ്ങൾ ഈ പരമ്പര നേടിയിട്ടുണ്ട്. ആദ്യമായി സംപ്രേഷണം ചെയ്യുന്ന സമയത്ത് കേബിൾ ചരിത്രത്തിലെ ഏറ്റവും ഉയർന്ന റേറ്റിംഗുള്ള സീരീസ് പ്രീമിയറിനുള്ള റെക്കോർഡ് ബെറ്റർ കോൾ സോൾ സ്വന്തമാക്കി.
കേബിൾ നെറ്റ്വർക്ക് എഎംസി ആണ് ബെറ്റർ കോൾ സോൾ സംപ്രേഷണം ചെയ്യുന്നത്. 6.9 ദശലക്ഷം പേരാണ് പരമ്പര ആദ്യമായി സംപ്രേക്ഷണം ചെയ്തപ്പോൾ കാഴ്ചക്കാരായത്. കേബിൾ ടിവി ചരിത്രത്തിലെ ഏറ്റവും ഉയർന്ന റേറ്റിംങ് ആയിരുന്നു ഇത്. അതെ വർഷം തന്നെ മറ്റൊരു എഎംസി പരമ്പര ഫിയർ ദി വോക്കിംഗ് ഡെഡ് ഈ നേട്ടം മറികടന്നു.
2013 ഡിസംബറിൽ, പരമ്പരയുടെ ആദ്യ സീസൺ സംപ്രേക്ഷണം അവസാനിച്ചശേഷം ആദ്യ സീസൺ മുഴുവൻ യുഎസിൽ സ്ട്രീമിംഗിനായി ലഭ്യമാകുമെന്ന് നെറ്റ്ഫ്ലിക്സ് പ്രഖ്യാപിച്ചു. ലാറ്റിനമേരിക്കയിലും യൂറോപ്പിലും എപ്പിസോഡ് യുഎസിൽ സംപ്രേഷണം ചെയ്തതിന് ഏതാനും ദിവസങ്ങൾക്ക് ശേഷം ലഭ്യമാകും. എന്നിരുന്നാലും, ആദ്യ സീസൺ 2016 ഫെബ്രുവരി 1 വരെ യുഎസിലെ നെറ്റ്ഫ്ലിക്സിൽ പുറത്തിറങ്ങിയില്ല. അന്താരാഷ്ട്രതലത്തിൽ, രണ്ടാം സീസണിന്റെ എപ്പിസോഡുകൾ യുഎസിൽ സംപ്രേഷണം ചെയ്തതിന്റെ പിറ്റേ ദിവസം ലഭ്യമായി
ഓസ്ട്രേലിയയും ന്യൂസിലൻഡും ഒഴികെയുള്ള എല്ലാ പ്രദേശങ്ങളിലും പരമ്പരയുടെ വീഡിയോ ഓൺ-ഡിമാൻഡ് സേവനത്തിനുള്ള അവകാശം നെറ്റ്ഫ്ലിക്സിനാണ്. സ്ട്രീമിംഗ് സേവനമായ സ്റ്റാൻ ആണ് ഓസ്ട്രേലിയയിൽ ബെറ്റർ കോൾ സോൾ പ്രദർശിപ്പിക്കുന്നത്. ന്യൂസിലാന്റിൽ,പരമ്പര അവതരിപ്പിക്കുന്നത് ന്യൂസിലാന്റ് ആസ്ഥാനമായുള്ള സബ്സ്ക്രിപ്ഷൻ വീഡിയോ ഓൺ ഡിമാൻഡ് സേവനമായ ലൈറ്റ്ബോക്സിന് മാത്രമായുള്ളതാണ്. യുഎസിൽ പ്രക്ഷേപണം ചെയ്ത് മൂന്ന് ദിവസത്തിനുള്ളിൽ എപ്പിസോഡുകൾ കാണുന്നതിന് ലഭ്യമാണ്.
യുണൈറ്റഡ് കിംഗ്ഡത്തിലും അയർലൻഡിലും,പരമ്പര 2013 ഡിസംബർ 16 ന് നെറ്റ്ഫ്ലിക്സ് ഏറ്റെടുത്തു, ആദ്യ എപ്പിസോഡ് 2015 ഫെബ്രുവരി 9 ന് പ്രദർശിപ്പിച്ചു, രണ്ടാമത്തെ എപ്പിസോഡ് അടുത്ത ദിവസം പുറത്തിറങ്ങി. ഓരോ തുടർന്നുള്ള എപ്പിസോഡും ഓരോ ആഴ്ചയും അതിനുശേഷം പുറത്തിറങ്ങി. ഇന്ത്യയിൽ, യുഎസ് പ്രക്ഷേപണം ചെയ്ത് 24 മണിക്കൂറിനുള്ളിൽ സീരീസ് കളേഴ്സ് ഇൻഫിനിറ്റിയിൽ പ്രക്ഷേപണം ചെയ്യുന്നു.
This article uses material from the Wikipedia മലയാളം article ബെറ്റർ കോൾ സോൾ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.