Талашманце: село во Општина Кратово

Во XIX век селото било дел од Кратовската каза на Отоманското Царство.

Според статистиката на Васил К’нчов („Македонија, Етнографија и статистика“) од 1900 година, во Талашманце живееле 364 жители, сите Македонци. Според егзархискиот секретар Димитар Мишев, („La Macédoine et sa Population Chrétienne“) во 1905 година во Талашманце имало 232 Македонци, под врховенството на Бугарската егзархија.

Според германска карта издадена во 1941 година, а заснована на пописот на Кралството Југославија од 1931 година, селото имало 350 Македонци.

Според пописот на населението на Македонија од 2002 година, селото има 150 жители, од кои 149 Македонци и 1 Турчин.

Според последниот попис од 2021 година, во селото живееле 92 жители, од кои 87 Македонци и 5 лица без податоци.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Родови

Талашманце е македонско село.

Според истражувањата од 1975 година, родови во селото

• Стари родови: Шотевци (10 к.), Глашевци (10 к.), Шаровци (7 к.), Драгашани (4 к.), Гробарци (3 к.), Митковци (2 к.) и Менинци (2 к.) предците на овие родови живееле во старото село, Синовер.
• Доселеници: Додевци (5 к.) доселени се од селото Гиновци кај Крива Паланка; Баратлици (5 к.) доселени се од селото Петралица кај Крива Паланка.

Личности родено во Талашманце:

• Санде Стојчевски (1925-1945) — македонски партизан, борец за слобода на Македонија и учесник во НОВ