Окрузи Во Франција: административна единица во Франција

Административниот центар (главниот град) на округот се нарекува потпрефектура. Ако округот содржи префектура (гл. град на департманот), тогаш тој град игра улога на префектура (на департманот) и потпрефектура (на округот).

Окрузите понатаму се делат на кантони и општини.

Градовите Париз, Лион и Марсеј се делат на „градски окрузи“, кои се разликуваат од окрузите кои се обработуваат во оваа статија.

За управувањето со еден округ е задолжен потпрефект (француски: sous-préfet) кој е помошник на префектот на матичниот департман (préfet).

За разлика од регионите, департманите и општините, окрузите немаат статус на правно лице. Покрај ова, раководителите (потпрефектите) не се поставуваат со избори, туку се назначуваат од преседателот на државата.

Најголемиот врој департмани имаат 3-4 окрузи. Департманот Париз и Територијата Белфор имаат само еден, додека пак Мозел има девет.

• Административна поделба на Франција
• Список на окрузи во Франција
• Округ
• Окрузи во Париз