Окинава

Со површина од 2.255 км² Окинава е најголемиот од островите на Рјукју.

Според пописот спореведен во Јапонија од 2009 година, вкупниот број жители на Окинава изнесува 1,384,762. (вклучувајќи ги и семејствата со американско државјанство). Окинавскиот јазик на окинавски се вика „учинагучи“ или „хоген“ и го зборува поголемиот дел од тамошната популација (иако поголемиот дел го знаат и јапонскиот јазик).

Планините под шумите заземаат две третини од островот на север, додека на јужната третина е ридско подрачје и таму живеат најголемиот број на жители.

Главни економски активности се земјоделство, риболов, дрвенопреработувачка индустрија, преработка на храна, текстилна индустрија и грнчарство. Американската воена база и туризмот исто така се значајни за економијата. Наха е административен центар, најголем град и најголемо пристаниште.

 

Сè до 14 век островот бил независно кралство. Од 14 до 19 век островот плаќал данок на Кина, а конечно во 1879 година Окинава била споена со Јапонија. Во текот на Втората светска војна (1 април 1945), американската војска се населила на западниот брег на островот, и тоа била последната поморска операција во војната, и една од најтешките битки на Тихиот Океан. По 82 дена жестока борба, престанал организираниот отпор на Јапонците. Окинава била под контрола на САД од 1945 година до 1972 година, кога повторно била вратена на Јапонија. Под услов на повоениот договор, земјопоседниците на Окинава морало да изнајмат територија за американските војници.

Меѓутоа, во септември 1995 година американските војници силувале дванаесетгодишно девојче и предизвикале голем отпор против американското присуство на островот, што донело до тоа голем бој од земјопоседниците да одбијат да им дадат земја на Американците. Во април 1996 година, американската влада се согласила да врати 20 проценти од окупираните територии (4.900 хектари) во рок од седум години.