Негев: пустинско и полупустинско подрачје во јужен Израел

Пустината го зазема јужниот дел на државата и административно се совпаѓа со Јужниот округ. Најголем град во оваа пустина е Бершеба, и истиот се наоѓа во северниот дел на пустината. Јужниот дел на пустината излегува на Акапскиот Залив и тука се наоѓа туристичкиот град Ејлат. Покрај овие два града, во Негев се наоѓаат и уште неколку други развиени градови, како што се, поголемите, Димона, Арад и Мицпе Рамон, но и други помали гратчиња и села. Пистината Негев е позната туристичка атракција во Израел и позното одредиште во светски рамки, така што Lonely Planet ја рангирала пустината на второто место од светските 10 топ одредишта за патување за 2013 година. Негев е еден од бројните библиски наоѓалишта, односно месности кои се дел од Библијата, значајни за христијанството.

Името „Негев“ потекнува од хебрејскиот збор што означува „суво“. Името се споменува и во Библијата и понекогаш се именува како „Негеб“.

Негев зафаќа околу 13.000 км² што претставува половина од вкупната територија управувана од Израел. Пустината има триаголна форма, па така на запад се граничи со пустината на Синајскиот полуостров (со кој формира верижна пустина), а на исток со долината Арабах. Регионот е познат по уникатните геолошки формации наречени мактеши, односно кратери во форма на кутии или нагли земјени вдлабнатини. Негев е карпеста пустина.

Според податоците од 2010 година, Негев е дом на 630.000 Израелци или 8.2% од вкупното население на државата, иако територијално зазема 55% од државата. Од вкупната бројка 75% или 470.000 се Евреи, а другите 25% или 160.000 се Бедуини. Бедуните се традиционално номадски народ и поливина од нив живеат во непризнати бедуински села, а половина во градовите, а најголем бедуински е Рахат.

Пустината е доста сува и има просечни годишни врнежи од 24 мм. Ова е поради влијанието на Сахара од исток, екстремните температури и Арапската Пустина. Сепак, Бершева и останати месни области имаат полусушна клима. Врежите од јуни до октомври се речиси 0. Снегот и мразот се реткост во северот, а во југот никогаш не се појавуваат.

• Архива на статии за Негев Архивирано на 28 јуни 2018 г.
• Мрежно место со информации за Негев Архивирано на 12 август 2018 г.
• Слики од Негев Архивирано на 17 јули 2012 г.

30°30′00″N 34°55′01″E / 30.500° СГШ; 34.917° ИГД / 30.500; 34.917