Коберн Таун (англиски: Cockburn Town) — главен град на островската територија Туркс и Кајкос во Карибите.
Коберн Таун Cockburn Town | |
---|---|
Главен град | |
Местоположба на Туркс и Кајкос во рамките на Северниот Атлантски Океан | |
Кокберн Таун на карта на Туркс и Кајкос | |
Координати: 21°27′32″N 71°08′20″W / 21.459° СГШ; 71.139° ЗГД | |
Држава | Обединето Кралство |
Прекуморска територија | Туркс и Кајкос |
Остров | Гранд Турк |
Основан | 1681 |
Население | |
• Вкупно | 3.700 |
Градот се наоѓа на островот Гранд Турк — најголемиот остров во архипелагот Туркс. Улиците Дјук и Фронт Стрит во центарот имаат стари градби својствени за бермудската архитектура од XVIII и XIX век. Има долги тесни улици и стари улични светилки.
Најблиското сидриште е Хокс Нест. Иако е добро засолнето, во него се влегува на дневна светлина поради гребените близу влезниот дел.
Коберн Таун е административен центар на територијата уште од 1766 г. и воедно прво трајно населено место во целата група ан Туркс и Кајкос, основано во 1681 г. од соларски работници. Мештаните веруваат дека градот е изграден на местото кајшто првпат се истоварил шпанскиот конквистадор Хуан Понсе де Леон.
Во градот се наоѓа Националниот музеј на Туркс и Кајкос, сместен на Фронт Стрит во поранешен дом стар 180 години. Објектот во голема мера е изграден од материјали земени од бродоломи, вклучувајќи бродски јарбол, кој има улога на главна потпора на куќата. Објектот (наречен „Гвинеп Хаус“) му е подарен на музејот во 1990 г.
Во музејот се изложени разни експонати од историјата на територијата, како што се предметите на домородните Лукајци, експонати од вселенската трка, месни поштенски марки, ропството и историјата на прекуатлантската трговија со робови, производството на сисал и сол, кралски настани и општата историја на островите. Музејот има и градина.
Од особен интерес се изложените останки од бродоломи, вклучувајќи ги останките најтариот европски бродолом во Америка, кој се случил во 1505 г.
Установата води разни проекти, меѓу кои и проектот „Порака во шише“ со кој се документираат шишиња со писма наскунани на островот Гранд Турк во последните 40 години .
This article uses material from the Wikipedia Македонски article Коберн Таун, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.