Киловат-Час
Киловат-час или киловатчас, (симб.
kW·h, kWh и кВтч) — единица за енергија еднаква на 1000 ват-часови или 3,6 мегаџули.
Дефиниција
Киловат-часот е единица за енергија еднаква на еден киловат (1 kW) моќ (електрична работа) потрошен за време од еден час (h).
Обратно земено, еден ват е еднаков на 1 J/s. Еден киловат-час изнесува 3,6 мегаџули, што е количеството енергија добиено од работа што се врши со просечна стапка од илјада вати на час.
Примери
Греалка од 1000 вати (1 киловат) што работи еден час троши еден киловат-час (3,6 мегаџули) енергија.
Една 60-ватна светилка што работи еден час потрошила 0,06 киловат-часови струја. За илјада часа ќе потроши 60 киловати.
Претворање
| џул | ват-час | електронволт | калорија | |
|---|---|---|---|---|
| 1 J = 1 kg·m2 s−2 = | 1 | 2,77778 × 10−4 | 6,241 × 1018 | 0,239 |
| 1 W·h = | 3600 | 1 | 2,247 × 1022 | 859,8 |
| 1 eV = | 1,602 × 10−19 | 4,45 × 10−23 | 1 | 3,827 × 10−20 |
| 1 cal = | 4,1868 | 1,163 × 10−3 | 2,613 × 1019 | 1 |
Именители
Киловат-часот се користи во елекстродистрибуцијата за фактурирање на потрошувачот, бидејќи еден домовите месечно трошат од неколку стотини до неколку илјади киловат-часови. мегават-часови, гигават-часови и терават часови се користат при мерење на големи количества електрична енергија за индустриски капацитети и изразување на производството кај електраните. Во терават-часови (во поголеми земји и петават-часови) се изразува годишното производство на струја на цели земји. На пример, во 2010 г. Република Македонија произведени се вкупно 6 462,3 гигават-часови (6,46 терават-часа) електрична енергија.
| Поситни | Покрупни | |||||
|---|---|---|---|---|---|---|
| Вредност | Симбол | Име | Вредност | Симбол | Име | |
| 10-3 | mW·h | миливат-часот | 103 | kW·h | киловат-часот | |
| 10-6 | µW·h | микроват-часот | 106 | MW·h | мегават-часот | |
| 109 | GW·h | гигават-часот | ||||
| 1012 | TW·h | терават-часот | ||||
| 1015 | PW·h | петават-часот | ||||
Поврзано
Наводи
Надворешни врски
- Пресметка на лична потрошувачка на електрична енергија — ЕЛЕМ (македонски)
- Дневен дијаграм на потрошувачка на ел. енергија во РМ Архивирано на 19 декември 2011 г. — МЕПСО (македонски)
This article uses material from the Wikipedia Македонски article Киловат-час, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.