Жена на Месечината - германски нем филм, снимен во 1929 година во режија на Фриц Ланг.
Претставува адаптација на истоимениот роман на неговата сопруга Теа Фон Харбу, која заедно со него го напишала сценариото. Заплетот на филмот почнува кога германскиот претприемач Волф Хелиус организира експедиција на месечината со помош на револуционерен ракетен погон, но истовремено мора да се соочи со уцените од страна на американските претприемачки соперници, како и љубовните проблеми поврзани со неговата помошничка Фриде. За филмот е карактеристично што неговите творци настојувале вселенското патување да го да го прикажат што пореално, односно што е можно повеќе во склоп на тогашните научни и технолошки достигнувања. Поради тоа како советник е ангажиран ракетниот стручњак Херман Оберт, кој пробал да изработи употреблив модел на ракета. Филмот доживеал голем успех и во значајна мера во јавноста го популаризирал концептот за вселенско патување, но и техниката на одбројување пред лансирање на проектил. Жена на Месечината можеби најголемо влијание имал на 17 годишниот Вернер фон Браун кој подоцна тврдел дека филмот го поттикнал да се занимава со развивање на ракетна техонологија, која по 40 години ќе доведе до тоа луѓето да можат да слетаат на месечината.
„Жена на Месечината“ | |
---|---|
Режисер | Фриц Ланг |
Главни улоги | Вили Фришц Герда Маурус Клаус Пол Фриц Расп Гасл Гштетенбаур Густав Фон Вангенхајм |
Кинематографија | Курт Курант |
Дистрибутер | UFA |
Премиера | 15 октомври 1929 |
Времетраење | 156 мин. / 200 мин. / Шпанија: 104 min. / Шпанија: 162 мин. (DVD edition) / САД: 95 мин / Западна Германија: 91 мин (edited version) (1970) |
Земја | Германија |
Јазик | нем филм |
This article uses material from the Wikipedia Македонски article Жена на Месечината (филм), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.