Длабока Река: река во Македонија
Длабока Река (албански: Proi i Fel) — река во западна Македонија, лева притока на Рибничка Река, која пак е десна притока на Радика.
Буковите шуми во нејзиното течение се прогласени за светско наследство на УНЕСКО. Извира под високите врвови на Кораб, образувајќи стрмна долина која претставува единственото место со алпска клима во Македонија.
| Длабока Река | |
|---|---|
 Долината на Длабока Река со Корапскиот Водопад во позадина | |
  Местоположба на Длабока Река во Македонија | |
| Место | Општина Маврово и Ростуша |
| Најблиска паланка | Гостивар, Дебар |
| Прогласено | 19 април 1949 |
| Управно тело | Национален парк Маврово |
| Службен назив: Букови прашуми во Карпатите | |
| Тип: | Природно |
| Критериуми: | ix |
| Прогласено: | 31 јули 2021 |
На неа се наоѓа познатиот Корапски Водопад, највисокиот водопад во Македонија од 136 метри, кој се јавува под врвот Мал Кораб во пролетните месеци со топењето на снегот.
Реката тече покрај напуштеното село Жужње, па во клисурата под селата Нистрово и Бибање и потоа се влева во Рибничка Река.
Светско наследство
На седницата на УНЕСКО во 2021 г. буковите шуми во долината на Длабока Река се прогласени за светско наследство поради нивната недопреност како дел од целината „Букови прашуми во Карпатите и други региони на Европа“. Предлагач на ова подрачје биле Министерството за животна средина и просторно планирање и Националниот парк Маврово.
Галерија
-
Поглед на долината на Длабока Река -
Поглед на Корапскиот Водопад и Длабока Река -
Брзаци на Длабока Река -
Поглед на Мал Кораб (лево) и Малокорапска Стена (десно) над долината на Длабока Река
Наводи
This article uses material from the Wikipedia Македонски article Длабока Река, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.