Дива Мачка

Дива мачка
Европска дива мачка
Заштитен статус
Незагрозен  (МСЗП 3.1)<
Научна класификација
Царство:	Животни
Колено:	Хордати
Класа:	Цицачи
Ред:	Ѕверови
Семејство:	Мачки
Род:	Мачка
Вид:	F. silvestris
Научен назив
Felis silvestris Јохан Кристијан Даниел фон Шребер, 1775
Петте подгрупи на Felis според истражувањето во 2007 година на ДНК-а.

Дивата мачка е силно животно со тркалезна глава.

Има кратка муцка и кратки уши. Меѓу острите заби се издвојуваат острите долги песјаци. Телото е покрено со густо сиво-кафеаво крзно со напречни темни шарки. На кратката дебела опашка има црни прстени и црн врв. На предните нозе има пет прста, а на задните четири, што се одоздола секогаш црни. На прстите има канџи кои може да ги вовлекува. Градите и стомакот имаат побледа еднолична боја. Мажјакот е поголем и израснува до 90 cm во должина, од што опашката зафаќа околу 37 cm, а е тежок до 15 кг. Живее во шуми со шумски чистини. Активна е и ноќе. Лови приквечер или в зори. Внимателна е, добро трча и се качува по дрвја. Лови жив плен - зајци, птици, глувци. При крајот на пролетта окотува до 4 младенчиња во засолниште меѓу камења или во шупливо стебло, ретко во грмушки.

Распостранетост

Освен во северна, распостранета е речиси во цела Европа. Таа е загрозен вид, зашто се лови заради ценетото крзно.

• „Дивиот мачор и петелот“ - басна на старогрчкиот баснописец Езоп.