Јана Темиз - руско-турска писателка и балетски либретист.
Јана Темиз е родена во Москва, каде дипломирала на филолошкиот факултет при Московскиот државен универзитет, а потоа магистрирала на Институтот за светска литература при Академијата на науките на СССР. За време на животот во Русија, таа се занимавала со наставна дејност, а потоа се преселила во Турција, каде предавала руски и англиски јазик.
Уште за време на животот во Русија, Темиз напишала повеќе учебни помагала за литература. Таа е автор на неколку романи: „Рајот на земјата“, „Градина на камењата“, „Духовите на балетот“, „Засолниште на преселните птици“ итн. Исто така, таа е автор на либрета за повеќе балети кои биле изведувани ширум светот на кои како кореограф се јавува Василиј Медведев, како што се: „Седум убавици“ (Баку, 2008), „Пепелашка“ (Сараево, 2008 и Измир, 2009), „Копелија (Сараево, 2009), „Катја и принцот на Сијам“ (Екатеринбург, 2011), „Дамата со камелии (Скопје, 2014), „Клеопатра“ (Скопје, 2016).
This article uses material from the Wikipedia Македонски article Јана Темиз, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.