jan Ragu Manyuntiang Artikel
Komunitas Wikipedia mandorong para pangguno untuak indak ragu dalam mampaeloki ensiklopedia ko.
Wiki awak ko bakambang labiah capek ko sadonyo urang sato mampaeloki masaalah tata latak, tata bahaso, maagiah rujuakan, manambahan kato nan sasuai, jll. Kami arokan samonyo urang jan ragu manyuntiang jo manolong untuak mambuek Wikipedia ko jadi ensiklopedia nan labiah rancak.
Alah bara kali Sanak mambaco sasuatu kudian bapikia — Baa mangko laman-laman ko indak disuntiang? — Wikipedia indak anyo maisinan Sanak untuak manambahan, mampabaiaki, atau manyuntiang sajo: inyo mainginan Sanak untuak malakuannyo. Iko iyo bana paralu sopan santun saketek, tapi indak payah bagai do. Caliak se lah nanti. Alah pasti pulo bahaso urang-urang lain ka manyuntiang apo nan Sanak lah tulih. Kok itu tajadi, jan lah diambiak ati! Mareka, sarupo jo awak sadonyo, anyo ingin supayo Wikipedia sabagai sabuah ensiklopedia jadi samakin elok.
Salain tu, kok Sanak mancaliak suatu adu pandapek di salah satu laman rundiang, jan lah anyo sakadar "manonton" sajo. Turuik sato lah maagiah suaro jo saran di sinan!
Jan tasinguang bilo suntiangan Sanak kanai apuih. Daripado tasingguang, labiah rancak kok Sanak mambaco WP:Anggaplah niek elok jo WP:Kasopanan, kudian mulailah barani manyuntiang baliak. Tapi kok tulisan Sanak lah kanai apuih lai, indak baa kok Sanak barani pulo mananyoannyo ka laman rundiang nan bahubuangan, supayo samo-samo awak indak talibaik dalam parang suntiangan.
This article uses material from the Wikipedia Minangkabau article Wiki:Jan ragu manyuntiang artikel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.