Di Wikipedia, Sanak dianjuakan untuak selalu basangko elok pado anggota komunitas lainnyo.
Di siko, tiok-tiok urang harus dianggap baniek elok untuak mangambangan proyek ko, bukan untuak tujuan marusak. Kok indak ado prinsip ko dari awal, Wikipedia indak akan bajalan.
Kok Sanak ado nampak pangguno lain mambuek kasalahan, dan kasalahan tu Sanak raso indak basingajo, Sanak dianjuakan untuak mampelokannyo tanpa kritik. Kok Sanak indak basipakek jo pangguno lain dalam sasuatu hal, mohon diingek kok pangguno tasabuik nio nan terbaik untuak proyek awak ko. Sanak dianjuakan untuak mamakai laman-laman rundiang untuak manarangan pandapek Sanak, dan maagiah kasampatan bagi urang lain untuak maajuan punyo inyo pulo. Caro ko dapek mangurangi kasalahpahaman dan salisiah nan indak paralu.
Sanak dianjuakan untuak basaba jo bagadang ati jo pangguno nan baru bagabuang. Inyo mungkin alun paham caro karajo Wikipedia dan baa komunitas Wikipedia ko. Pangguno baru biasonyo banyak malakuan kasalahan atau malah indak mahormati norma-norma di komunitas. Itu biaso; kalakuan surang pangguno akan baubah sairiang jo batambahnyo pangalaman dan interaksinyo jo anggota komunitas lain.
This article uses material from the Wikipedia Minangkabau article Wiki:Basangko elok, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.