kapamiliakan Artikel
Kontributor nan ado sabagiannyo maraso cukuik posesif ateh bahan-bahan (baiak kategori, templat, artikel, berkas, dll.) nan alah disumbangkannyo untuak proyek ko.
Bahkan ado pulo nan sampai manyakeknyo dari sagalo "pangacau". Bedakan hal ko jo minaik Sanak kapado artikel nan Sanak pantau dalam daftar pantauan Sanak. Mungkin Sanak adolah surang ahli atau paduli sangaik tahadok sabuah topik. Tapi kok kapadulian ko malampaui bateh tatantu, mangko Sanak alah bakalabiahan. Mampicayoi baso sabuah artikel mampunyoi pamiliak adolah kasalahan umum nan acok tajadi di Wiki Minangkabau.
Sanak indak dapek managah urang di dunia ko untuak manyuntiang "miliak Awak", sangkek Sanak mamasuakannyo ka Wiki Minangkabau. Bak cando nan digarihan pado tiok laman suntiangan:
| “ | Kok Sanak indak namuah materi nan alah Sanak masuakan disuntiang tanpa ampun atau disebakan dek urang lain, jan masuakan ka siko. | ” |
Kok Sanak mandebaik jo kontributor-kontributor lain tantang pangapuihan, pambaliakan, dan lainnyo, manga indak dari dulu sajo baranti manyuntiang di siko?Manjauhan diri dari hal ko dapek mandinginan suasana, Sajuakan ati Sanak salamo ciek atau duo pakan. Atau kok urang lain mangaku-ngaku "kapamiliakan" suatu laman, Sanak dapek mampatanyokannyo pado laman rundiang nan basangkutan. Mintaklah pandapaik kontributor lain, atau patimbangkan proses panyalasaian pasalisiahan.
Walaupun malakukan suatu hal ka sabuah artikel indak maagiah hak pado sasaurang untuak "mamiliki" artikel tu, tataplah pantiang untuak maragoi karya kontributor-kontributor lainnyo. Sangkek mambuang bagian gadang isi, utamonyo nan dijariahan dek saurang editor, paralu untuak dipatimbangkan apokoh hasia nan labiah ancak buliah dicapai jo bakarajo samo jo editor tasabuik, bukannyo manantangnyo - talapeh dari apokoh inyo "mamiliki" artikel itu atau intak. Caliak Wikipedia:Bataratik dalam manyuntiang,
Jan tando tangani sasuatu nan bukan miliak Sanak
Samanjak indak ado urang nan mampunyoi "hak miliak" ateh bahan-bahan artikel, kok Sanak mambuek atau manyuntiang artikel, Sanak indak buliah manandotanganinyo (maagiah tando jajak Sanak). Sabagai bukti baso Sanak alah bakontribusi, namo Sanak beko tanampak pado laman riwayaik artikel tasabuik.
Di lain pihak, katiko manambah komentar, batanyo, atau mamiliah pado laman "rundiang", rancak malah untauk mananditangani bagian nan sanak tulih. Hal iko dapek dilakukan jo maagiah tando "~~~~" -- tanpa tando kutip, atau tando kuruang pado akhia tulisan atau komentar rundiang Sanak pado laman teks wikinyo.
This article uses material from the Wikipedia Minangkabau article Wiki:Kapamiliakan artikel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.