Vincent Kompany

lahia di Uccle-Ukkel, Brussel, Belgia, 10 April 1986; umua 33 tahun

) adolah saurang pamain sipak bola profesional Belgia nan bamain jo sakaligus kapten klub Inggirih Manchester City jo tim nasional Belgia. Inyo mampu bamain di kaduo posisi, yoitu bek tangah jo galandang batahan. Pado musim 2011-12 inyo dianugerahi sabagai kapten dari Manchester City, mamimpin klubnyo untuak mamanangkan Liga Premier musim itu, gala liga patamo mereka dalam 44 tahun tarakhia. Inyo juo katua Belgia D3b klub Divisi BX Brussels, jo pamilik dari duo bar Olahraga Belgia banamo Good Kompany.

Vincent Kompany parnah bamain untuak Anderlecht jo Hamburger SV, sabalum kini ko bamain untuak tim Inggarih, Manchester City.

Anderlecht

Kompany mamulai kariernyo di klub Anderlecht pado usia 17 tahun. Salamo mambela klub iko, inyo manarimo babarapo panghargaan tamasuak Belgian Golden Shoe dan Belgian Ebony Shoe.

Hamburg

Pado 9 Juni 2006, diumuman bahwa Kompany alah dipinang dek Hamburger SV jo biaya €10 juta, manggantian posisi Daniel Van Buyten. Pado musim debutnyo di Hamburg, inyo hanyo anam kali manjadi starter pado patandiangan Bundesliga sabalum maalami cidera achilles pado November nan maaruskan inyo istirahat hinggo akhia musim. Walaupun kurang baruntuang pado musim tasabuik, inyo tatok tapiliah dalam skuat Kajuaraan Sipak Bola Eropa U-21 UEFA 2007.

Manchester City

Pado 22 Agustus 2008, Manchester City mangkonfirmasi transfer Kompany dari Hamburg dalam kontrak ampek tahun jo biaya nan indak disabuikkan, nan dipakirokan mancapai £6 juta.. Duo hari kamudian, Kompany manjalani debutnyo basamo Manchester City malawan West Ham United. Pado 28 September, Kompany mancetak gol patamonyo untuak City katiko kalah 2–1 dari Wigan Athletic. Pado 19 Oktober 2009, Kompany manakan papanjangan kontrak hinggo tahun 2014.

Kompany manjadi kapten Manchester City katiko manang dari sang rival, Manchester United, pado semi final Piala FA musim 2010–11 di Wembley Stadium; City manang 1–0. Satalahnyo, inyo dianugerahi panghargaan Tim Terbaik PFA basamo rekan satimnyo di City, Carlos Tévez. Di akhia musim, manajer Roberto Mancini mamuji pamainan rancak Kompany sapanjang musim jo manyatokan bahwa Kompany bisa manjadi salah satu pamain balakang paliang hebat Eropa.

Kompany mamulai debut internasionalnyo untuak Belgia katiko baumua 17 pado Februari 2004, katiko malawan Parancih. Inyo alah tampil sabanyak 52 kali jo mancetak 4 gol.