Muhibuddin Waly

Dr. Tengku Chik H. Muhibuddin Waly Al-Khalidy atau nan acok disabuik Abuya Muhibuddin Waly atau Abuya Profesor (lahia di Aceh, 17 Desember 1936 – maningga di Banda Aceh, 7 Maret 2012 pado umua 75 taun - ) adolah surang ulama jo politikus Indonesia. Inyo marupoan Mursyid Tarekat Naqsyabandiyah Khalidiyah al-Waliyyah. Inyo juo parnah mamimpin Dayah Darussalam Labuhan Haji, Aceh. Doktor Ilmu Pangantar Fiqih Islam iko parnah mangaja sabagai Guru Gadang di Institut Ilmu Al-Qur'an Jakarta, Indonesia jo Malaysia, Universitas Islam Internasional, Malaysia.

Abuya Syeikh Prof. Dr. Tgk. H. Muhibuddin Waly
Lahia	Muhibuddin 17 Desember 1936 Simpang Haru, Padang Timur, Padang, Hindia Belanda
Maningga	7 Maret 2012 (umua 75) Banda Aceh, Indonesia
Kabangsaan	Indonesia
Namo lain	Abuya Doto Muhibuddin Tanjuang
Alma mater	Dayah Darussalam Labuhan Haji Universitas Al-Azhar
Organization	Persatuan Tarbiyah Islamiyah
Dikana dek	Ulama
Title	Abuya Muhibuddin Waly al-Khalidy
Pasangan	Nurhadisah Nyak Diwan
Anak	Taufiq Muhibuddin Waly Hidayat Muhibuddin Waly Rahmat Muhibuddin Waly Wahyu Muhibuddin Waly Amal Muhibuddin Waly Habibie Muhibuddin Waly Maulana Muhibuddin Waly Nadia Muhibuddin Waly Sovia Muhibuddin Waly
Urang tuo	Muhammad Waly (ayah) Rasimah (ibu)

Muhibuddin Waly lahir pado 17 Desember 1936 di Aceh. Inyo adolah anak nan paliang tuo dari pasangan Syekh Haji Muhammad Waly Al-Khalidy (Abuya Muda Waly) jo Hajjah Rasimah. Muhibuddin Waly maningga di Rumah Sakit Fakinah, Banda Aceh, pado tanggal 7 Maret 2012 dek karano sakik nan didaritonyo.

Sang Ayah merupakan ulama besar yang berasal dari Minangkabau. Apak dari Syekh Mudo Waly adolah Datuk Pelumat, saurang ulamo nan tamasyur di Minangkabau. Dari sikolah ayahnyo mawarisi kharismatik julukan syekh Mudo Waly, dalam diri Abuya Muhibbuddin mangalia darah ulamo gadang. Salain itu, Syekh Mudo Waly adolah kawan dakek Syekh Yasin Al-Fadany (asal Padang) katiko urang baduo ko baguru ka Sayid Ali Al Maliky, kakek dari Sayid Muhammad bin Alawy bin Ali Al-Makky Al Maliky Al-Hasany, di Mekah.

Ulama nan manulih disertasi doktoralnyo nan bajudul "Al-Ijtihad fi al-Fiqh al-Islamiy" atau "Ijtihad dalam Fikih Islam" salamo baraja di Universitas Al-Azhar (Muhibbuddin saangkatan jo Presiden Abdurrahman Wahid) adolah Sayyidul Mursyidin 'Trah" al-Waliyah al-Khalidiyah.

Inyo partamo kali masuak Tarekat Naqsyabandiyah dari apaknyo Syekh Muhammad Waly bin Muhammad Salim al-Khalidy atau nan acok disabuik Abuya Muda Waly. Sasudah dianggap cukuik dalam Tarekat Naqsabandiyah Khalidiyah, nan kabalakangan, ayah Abuya Muda Waly manyarahan pangangkatan anaknyo manjadi mursyid kapado gurunyo, Syekh Abdul Ghani al-Khalidy Al-Kampary.

Dalam Ilmu Hadis, Abuya Muhibbuddin mandapek ijazah hadits dari sahabat Abuya Muda Waly (ayahnyo), Syekh Yasin Al-Fadani di Makkah, Arab Saudi. Salain itu, Abuya Professor juo mandapek ijazah irsyad (sabagai guru mursyid) Tarekat Qadiriyah wa Naqsyabandiyah dari KH. Shohibul Wafa" Tajul 'Arifin atau nan acok disabuik Abah Anom, panguruih Pondok Pasantren Suryalaya,Tasik Malaya; jo Tarekat Naqsyabandiyah Haqqaniyah dari Syekh Muhammad Nadzim Al-Haqqani.

Didunia pandidikan Muhibuddin Waly mandapek gala akademik tatinggi, yoitu professor nan juo mangaja di masjid Istiqlal Jakarta jo juo mangaja di babagai Universitas tanamo di Nagari-nagari Asia Tenggara.

Maso inyo pulang baraja dari Mesir beliau diangkek dek pak Harto wakatu itu manjadi sala surang anggota DPR RI di bidang Fraksi NU. Muhibbudin Waly mahabian wakatunyo dalam pangumbaroan kailmuan mulai dari aceh, Mesir, Jakarta, Malaysia jo tampek-tampek lainnyo, bahkan baliau parnah manjadi guru gadang di babarapo paguruan tinggi di Malaysia.