Masakan Jerman
Masakan Jerman (bahaso Jerman: deutsche Küche) bavariasi dari wilayah ka wilayah.
Wilayah Bayern dan Swabia punyo tradisi kuliner nan sarupo jo tatanggo Inyo di salatan, Swiss dan Austria. Kandiak, jawi dan unggeh adolah dagiang utamo nan dikonsumsi di Jerman. Di antaro unggeh, ayam iyolah nan paliang umum, dek tu bebek, angso dan kalkun dimakan juo.
Masakan Jerman asali punyo banyak ragam dan alah baradaptasi basamo tren kasehatan modern dan cita raso kaum imigran. Masakan Jerman dikana akan produk susu, keju, roti, sosis (Wurst), kue-kue, pangsit saroto babagai jinih produk minuman bir, anggur, minuman distilasi ajak Hacker-Pschorr dan Lowenbrau (bir), Asbach Uralt (brandy), Joseph Freiderich (anggur), dan Fuerst Metternich Sekt (sampanye). Variasi masakan modern Jerman (neue Küche) dipengaruhi dek masakan asiang. Orang-orang dari Turki dan Italia nan datang sabagai imigran, manambah raso dan ragam kuliner Jerman dangan masakan khas nagara iyo masiang-masiang.
Banyak jinih masakan Jerman dibuek sojak ratusan taun lalu untuak mancogah bahan makanan mambusuak. Contohnyo iyolah Sauerkraut, nan dibuek dari kol nan difermentasikan. Untuak mangawetkan dagiang, urang Jerman marandamnyo pado cuko dan langkok-langkok, ajak Sauerbraten.
This article uses material from the Wikipedia Minangkabau article Masakan Jerman, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.