Alang-alang (Imperata Cylindrica) marupokan tumbuhan sajenis rumpuik, nan biaso hiduik di padang rumpuik atau di ladang.
Alang-alang mampunyoi raso manih alami jo sajuak. Di dalam kandungan tumbuhan alang-alang manyimpan manitol, glukosa, sukrosa, malic acid, citric acid, coixol, arundoin, cylindrin, fernenol, simiarenol, anemonin, asam kersik, damar, logam alkali, saponin, tanin, dan polifenol. Alang-alang acok dijadikan ramuan herbal untuak babagai macam panyakik di Minangkabau. Karano alang-alang dipicayo mampunyoi banyak khasiat.
Alang-alang mampunyoi khasiat nan cukuik ampuah dalam bidang kesehatan. Banyak nan dipagunoan jo masyarakat urek dari tanaman alang-alang untuak ramoan herbal.
a. Purple fountain grass (Alang-alang ungu)
Alang-alang ko punyo namo latin Pennisetum setaceum. Alang-alang ko di kenal juo jo alang-alang ungu dek karano mampunyoi warna daun jo bunga yang merah keunguan. Sehinggo membueknyo manjadi rancak dan kontras jikok dibandingkan samo rumpuik biaso yang bawarna hijau. Jenis alang-alang ko marupokan jenis rumpuik ikek yang asli dari habitat tabuka di Afrika Timur, Afrika Tropis, Timur Tengah dan Asia Tenggara. Alang-alang ko bisa mancapai tinggi biasonyo 1,2 meter, alang-alang ko biasonyo tidak dijadikan sebagai bahan obatan herbal, tetapi labiah dijadikan sabagai hiyasan sajo karano mampunyoi bantuk yang amat rancak.
b. Alang-alang japang
Alang-alang ko Mampunyoi namo latin acorus gramineus, umumnyo dikenal sabagai alang-alang jepang karano spesies botani yang tamasuk dalam genus acorus, asli Jepang, Korea di Asia Timur. Tanaman ko biasonyo tumbuh di lahan basah dan aie dangka.
Acorus gramineus manyebar sacaro agresif malalui akar rimpang, acok digunokan di sekitar tapi kolam dan taman aie atau tarandam dalam akuarium aie tawa. Tanaman ko dapek dipabanyak dengan membagi rimpangnyo yang ba aka. Alang-alang ko bisa juo dijadikan tanaman hias dalam wadah pot.
This article uses material from the Wikipedia Minangkabau article Alang-alang, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.