Biaro Gadang marupoan salah satu nagari nan ado diKecamatan Ampek Angkek, Kabupaten Agam, Sumatera Barat, Indonesia.
Biaro Gadang | |
---|---|
Nagara | Indonesia |
Provinsi | Sumatera Barat |
Kabupaten | Agam |
Kecamatan | IV Angkek |
Kodepos | 26191 |
Laweh | - km² |
Nagari ko tadiri dari 6 wilayah jorong yaitu: Biaro, Tanjung Alam, Tanjung Medan, Lungguk Muto, Pilubang jo Batang Buo. Pusat pamarintahan nagari barado di Biaro. Nagari ko tadiri dari duo daerah (bakeh desa), yaitu Biaro surang jo Limo Balai nan marupokan sarikek dari limo jorong, yaitu: Tanjung Alam, Tanjung Medan, Lungguk Muto, Pilubang jo Batang Buo.
Adopun bateh-bateh wilayah Nagari Biaro Gadang adolah sabagai barikuik: sabalah utara babatehan jo Nagari Kapau jo Lambah, sabalah selatan babatehan jo Nagari Balai Gurah jo Ampang Gadang, sabalah barat babatehan jo Nagari Ampang Gadang jo Kota Bukittinggi jo sabalah timur babatehan jo Nagari Lambah jo Panampuang.
Mato pancaharian utamo panduduak adolah sektor partanian, tarutamo sawah jo tanaman palawija. Tanaman palawija nan banyak ditemukan sarupo jaguang, lado, taruang, tomat, ubi, ubi jala jo kacang tanah. Disampiang batani, sabagian panduduak juo mangusahokan industri karajinan konveksi jo badagang kain di pasa Bukittinggi. Hanyo sabagian ketek sajo dari panduduak nan bakarajo sabagai pagawai negeri (PNS) atau militer.
Sabalun nagari-nagari dipacah-pacah, maso daulunyo Ampek Angkek adolah satu kasatuan masyarakaik nan tadiri dari ampek nagari. Ampek nagari iko adolah Biaro, Balai Gurah, Lambah, jo Panampuang. Nagari Biaro dalam nagari Ampek Angkek lamo, disabuik juo Biaro Gadang, talatak disabalah ka ilia (utara) Balai Gurah, malintang ka Barat sampai ka bateh koto Bukittinggi sampai ka jambatan Batang Aia Tumbuak di sabalah ka Timua.
(Indonesia) Situs web resmi Kabupaten Agam
This article uses material from the Wikipedia Minangkabau article Biaro Gadang, Ampek Angkek, Agam, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.