Kabupaten Agam
Kabupaten Agam adolah salah satu kabupaten nan ado di provinsi Sumatera Barat, Indonesia.
Laweh wilayah kabupaten ko adolah 2.232,30 km², dan populasinyo labiah kurang 429.822 jiwa. Ibukota kabupatennyo ado di Lubuak Basuang.
| Kabupaten Agam | ||
|---|---|---|
Kabupaten di Sumatera Barat, Indonesia | ||
 | ||
| ||
| Semboyan: Tali tigo sapilin (Minang) Pangulu, alim ulama, jo cadiak pandai manjadi kunci kamajuan daerah | ||
 | ||
| Nagara |  Indonesia | |
| Provinsi | Sumatera Barat | |
| Tanggal paresmian | 19 Maret 1956 | |
| Dasa hukum | UU Nomor 12 Tahun 1956 | |
| Ibu kota | Lubuk Basung | |
| Pamarintahan | ||
| • Bupati | Andri Warman | |
| Laweh | ||
| • Total | 1.804,30 km2 (696,64 sq mi) | |
| Panduduak (2021) | ||
| • Total | 524.561 jiwa | |
| • Kapadatan | 291/km2 (750/sq mi) | |
| Demografi | ||
| • Agamo | Islam 99,16% Kristen 0,83% - Protestan 0,75% - Katolik 0,08% Lainnyo 0,01% | |
| Zona wakatu | ||
| Kode telepon | 0752 | |
| Plat kandaraan | BA xxxx T*/Z* | |
| Jumlah kecamatan | 16 | |
| DAU | Rp 490.438.106.000,-(2011) | |
| IPM | ▲ 72,57 (2021) tinggi | |
| Kode Kemendagri | 13.06  | |
| Situs web | agamkab.go.id | |
Kabupaten Agam babatehan jo Kabupaten Pasaman Barat (utara), Lautan Hindia (barat), Kabupaten Padang Pariaman (selatan), sarato jo Kabupaten Lima Puluh Kota (timur). Kabupaten ko manguliliangi Kota Bukittinggi, suatu kota nan kini daerah administratif tapisah dari Agam.
Salah satu obyek wisata nan tanamo di kabupaten ko adolah Danau Maninjau, sabuah danau kawah jo bukik-bukik barimbo jo pasawahan nan laweh di tapi-tapinyo.
Geografi
Kabupaten Agam talatak pado koordinat 00º01'34"– 00º28'43" LS dan 99º46'39"–100º32'50" BT jo laweh 2.232,30 km², atau sarupo jo 5,29% dari laweh provinsi Sumatera Barat nan mancapai 42.297,30 km². Kabupaten iko dilalui wilayah pagunuangan nan tabantuak dari 2 jalua basin, yaitu Batang Agam di bagian utara jo Batang Antokan di bagian selatan. Pulau Tangah jo pulau Ujung adolah 2 pulau nan ado di kabupaten Agam jo laweh masiang-masiang 1 km².
Kabupaten Agam mamiliki garih pantai sapanjang 43 km jo sungai barukuran ketek nan bamuaro di Samudera Hindia, sarupo Batang Agam, jo Batang Antokan. Di kabupaten iko manjulang 2 gunuang, yaitu Gunuang Marapi di kecamatan Banuhampu jo Gunuang Singgalang di kecamatan IV Koto nan masiang-masiang mamiliki tinggi 2.891 meter jo 2.877 meter. Salain itu, mambantang pulo sabuah danau di kecamatan Tanjung Raya, yaitu Danau Maninjau nan mamiliki laweh 9,95 km².
Labiah dari 38,1% laweh kabupaten iko, atau sakitar 85 km² marupokan daerah nan masih tatutuik utan rimbo. Utan-utan tu, salain manjadi cadangan pasadioan aia, marupokan suaka untuak baragam binatang nan dilinduangi, di antaronyo harimau sumatra, ruso, kijang, siamang, jo baragam jinih buruang sarupo buruang kuau, buruang muo, buruang katitiran, buruang pungguak, jo buruang balam.
Bateh wilayah
Kabupaten Agam mamiliki bateh wilayah administrasi pamarintahan sabagai barikuik:
| Utara | Kabupaten Pasaman dan Kabupaten Pasaman Barat |
| Selatan | Kabupaten Padang Pariaman dan Kabupaten Tanah Datar |
| Barat | Samudera Hindia |
| Timur | Kabupaten Lima Puluh Kota |
Topografi
Kabupaten Agam mamiliki katinggian nan sangek baragam, yaitu antaro 0 meter sampai 2.891 meter di ateh pamukaan lauik jo Gunuang Marapi di kecamatan Banuhampu sabagai titiak tatinggi. Topografi bagian barat kabupaten iko condong data jo kamiriangan kurang dari 8%, sadangkan bagian selatan dan tenggara condong curam jo kamiriangan labiah dari 45%.
Manuruik elevasi atau kamiriangan wilayah, Kabupaten Agam dibagi dalam 4 (ampek) bagian kawasan wilayah sabagai barikuik:
- Kamiriangan 0-2%, daerah data salaweh 65.340 Ha.
- Kamiriangan 2-15%, daerah landai salaweh 28.482 Ha.
- Kamiriangan 15-40%, daerah bagalombang, babukik sampai curam salaweh 41.612 Ha.
- Kamiriangan > 40%, daerah kamiriangan sangaik curam salaweh 77.024 Ha.
Barikuik adolah wilayah kecamatan-kecamatan manuruik tingkek katinggian dari pamukaan lauik:
- Wilayah jo katinggian 0–500 mdpl salaweh 44,55% sabagian gadang barado di wilayah barat yaitu Kecamatan Tanjung Mutiara, Kecamatan Lubuk Basung, Kecamatan Ampek Nagari dan sabagian Kecamatan Tanjung Raya.
- Wilayah jo katinggian 500 – 1.000 m dpl salaweh 43,49% barado pado wilayah Kecamatan Baso 725 – 1.525 m dpl, Kecamatan IV Angkek Candung, Kecamatan Malalak 425 – 2.075 m dpl, Kecamatan Tilatang Kamang, Kecamatan Palembayan 50 – 1.425 m dpl, Kecamatan Palupuh 325 – 1.650 m dpl, Kecamatan Banuhampu 925 – 2.750 m dpl dan Kecamatan Sungai Puar 625 – 1.150 m dpl.
- Wilayah jo katinggian > 1000 m dpl salaweh 11,96% maliputi sabagian Kecamatan IV Koto 850 – 2.750 m dpl, Kecamatan Matur 825 – 1.375 m dpl dan Kecamatan Canduang, Sungai Puar 1.150 – 2.625 m dpl.
Iklim
Cando daerah lainnyo di Sumatera Barat, kabupaten Agam mampunyoi iklim tropis jo kisaran suhu minimun 25 °C dan maksimum 33 °C dan tingkek kalambapan nisbi ±83%. Tingkek curah ujan di kabupaten Agam mancapai rato-rato 2.700–3.500 mm per tahun nan daerah sakaliliang gunuang labiah tinggi curah hujannyo dibandiang daerah pantai. Samantaro kacapatan angin minimun di kabupaten iko adolah 4 km/jam dan maksimum 20 km/jam.
| Data iklim Kabupaten Agam, Sumatera Barat, Indonesia | |||||||||||||
|---|---|---|---|---|---|---|---|---|---|---|---|---|---|
| Bulan | Jan | Peb | Mar | Apr | Mai | Jun | Jul | Agt | Sep | Okt | Nov | Des | Tahun |
| Rato-rato tatinggi °C (°F) | 30.8 (87.4) | 31.6 (88.9) | 32.1 (89.8) | 32.7 (90.9) | 33.1 (91.6) | 32.5 (90.5) | 31.9 (89.4) | 31.7 (89.1) | 31.2 (88.2) | 30.6 (87.1) | 30.4 (86.7) | 30.5 (86.9) | 31.59 (88.88) |
| Rato-rato harian °C (°F) | 25.7 (78.3) | 26.2 (79.2) | 26.6 (79.9) | 27.1 (80.8) | 26.8 (80.2) | 26.3 (79.3) | 25.7 (78.3) | 25.6 (78.1) | 25.5 (77.9) | 25.4 (77.7) | 25.5 (77.9) | 25.5 (77.9) | 25.99 (78.79) |
| Rata-rato tarandah °C (°F) | 20.6 (69.1) | 21.4 (70.5) | 22.1 (71.8) | 21.8 (71.2) | 21.1 (70) | 20.3 (68.5) | 19.9 (67.8) | 20.1 (68.2) | 20.5 (68.9) | 20.8 (69.4) | 21.2 (70.2) | 20.7 (69.3) | 20.87 (69.58) |
| Presipitasi mm (inci) | 275 (10.83) | 223 (8.78) | 300 (11.81) | 341 (13.43) | 252 (9.92) | 175 (6.89) | 170 (6.69) | 239 (9.41) | 295 (11.61) | 396 (15.59) | 380 (14.96) | 372 (14.65) | 3.418 (134,57) |
| Rato-rato ari baujan | 17 | 14 | 19 | 20 | 16 | 11 | 11 | 15 | 19 | 23 | 22 | 21 | 208 |
| % kalambapan | 83 | 82 | 83 | 84 | 82 | 81 | 81 | 82 | 83 | 85 | 86 | 84 | 83 |
| Rato-rato cahayo matoari bulanan | 189 | 184 | 192 | 183 | 206 | 208 | 205 | 188 | 160 | 156 | 158 | 182 | 2.211 |
| Sumber #1: Climate-Data.org | |||||||||||||
| Sumber #2: Weatherbase | |||||||||||||
Sijarah
Kawasan kabupaten iko bamulo dari kumpulan babarapo nagari nan panah ado dalam kawasan Luhak Agam, pado maso pamarintahan Hindia Ulando, kawasan ko dijadikan Onderafdeeling Oud Agam nan baibu kota di kota Bukittinggi. Kudian manuruik UU Nomor 8 Tahun 1998, ditatapkan pado 7 Januari 1998, ibu kota kabupaten Agam sacaro resmi dipindahkan ka Lubuk Basung.
Pamarintahan
Daftar Bupati
| No. | Poto | Namo Bupati | Mulai Manjabat | Akhia Menjabat | Wakia Bupati | Katarangan |
|---|---|---|---|---|---|---|
| 1. | Dr. Riva'i | 1945 | 1947 | |||
| 2. | Jamalus Yahya | 1947 | 1948 | |||
| 3. | B.A. Murad | 1948 | 1949 | |||
| 4. |  | Dahlan Djambek | 1949 | 1949 | ||
| 5. | Said Rasyad | 1949 | 1950 | |||
| 6. | Harun Al-Rasyid St. Bandaro | 1950 | 1956 | |||
| 7. | Aminoedin St. Syarif | 1956 | 1958 | |||
| 8. | A. Dt. Parpatiah | 1958 | 1961 | |||
| 9. | Taswar Akib | 1961 | 1966 | |||
| 10. | Kamaroeddin | 1966 | 1973 | |||
| 11. | Ahmad Syahdid | 1973 | 1980 | |||
| 12. | Moh. Nur. Syafe'i | 1980 | 1989 | |||
| 13. | Anwardin BA | 1989 | 1990 | |||
| 14. | Gustrial Agus | 1990 | 1995 | |||
| 15. | Ismu Nazif | 1995 | 2000 | |||
| 16. | Berkas:Aristo Munandar.jpg | Aristo Munandar | 28 Februari 2000 | 28 Februari 2005 | Syafruddin Arifin | Pariode pertamo. |
| Sulthani Wirman | 28 Februari 2005 | 13 Agustus 2005 | Panjabat bupati. | |||
| (16.) | Berkas:Aristo Munandar.jpg | Aristo Munandar | 13 Agustus 2005 | 13 Agustus 2010 | Ardinal Hasan | Pariode kaduo. |
| Surya Dharma Sabirin | 13 Agustus 2010 | 11 September 2010 | Lowong | Pajabat Bupati. | ||
| Syafirman | 11 September 2010 | 26 Oktober 2010 | Kosong | Palaksana Tugas Bupati | ||
| 17. | Berkas:Indra Catri.jpg | Indra Catri | 26 Oktober 2010 | 26 Oktober 2015 | Umar (2010—12) Irwan Fikri (2012—2015) | Pariode partamo. |
| Syafirman | 26 Oktober 2015 | 23 Januari 2016 | Kosong | Palaksana Harian Bupati. | ||
| Jefrinal Arifin | 23 Januari 2016 | 17 Februari 2016 | Kosong | Panjabat Bupati. | ||
| (17.) | Berkas:Indra Catri.jpg | Indra Catri | 17 Februari 2016 | Petahana | Trinda Farhan Satria | Pariode kaduo. |
Dewan Perwakilan
Barikuik iko adolah komposisi anggota DPRD Kabupaten Agam dalam tigo pariode tarakhia.
| Partai Politik | Jumlah Kursi dalam Pariode | ||
|---|---|---|---|
| 2009-2014 | 2014-2019 | 2019-2024 | |
| Templat:Parpoicon | 0 | ▲ 4 | ▲ 9 |
| GOLKAR | 6 | ▲ 7 | ▼ 5 |
| NASDEM | (baru) 4 | ▼ 2 | |
| BERKARYA | (baru) 1 | ||
| PKS | 6 |  6 | ▲ 7 |
| PPP | 4 | 4 | ▲ 5 |
| PAN | 6 | 6 | 6 |
| HANURA | 1 | ▲ 3 | ▼ 1 |
| DEMOKRAT | 11 | ▼ 9 | ▼ 7 |
| PBB | 4 | ▼ 2 | 2 |
| PBR | 1 | ||
| PPRN | 1 | ||
| Jumlah Anggota | 40 | ▲ 45 | 45 |
| Jumlah Partai | 9 | 9 | ▲ 10 |
Kecamatan
Kabupaten Agam mamiliki 16 kecamatan jo 82 nagari. Laweh wilayahnyo mancapai 1.804,30 km² dan panduduak 524.906 jiwa (2017) jo sebaran 291 jiwa/km².
Daftar kecamatan dan kelurahan di Kabupaten Agam, adolah sabagai barikuik:
| Kode Kemendagri | Kecamatan | Jumlah | Status | Daftar |
|---|---|---|---|---|
| 13.06.05 | IV Koto | 7 | Nagari | |
| 13.06.07 | Ampek Angkek | 7 | Nagari | |
| 13.06.13 | Ampek Nagari | 4 | Nagari | |
| 13.06.06 | Banuhampu | 7 | Nagari | |
| 13.06.08 | Baso | 6 | Nagari | |
| 13.06.14 | Canduang | 3 | Nagari | |
| 13.06.15 | Kamang Magek | 3 | Nagari | |
| 13.06.02 | Lubuk Basung | 5 | Nagari | |
| 13.06.16 | Malalak | 4 | Nagari | |
| 13.06.04 | Matur | 6 | Nagari | |
| 13.06.10 | Palupuh | 4 | Nagari | |
| 13.06.11 | Palembayan | 6 | Nagari | |
| 13.06.12 | Sungai Pua | 5 | Nagari | |
| 13.06.01 | Tanjung Mutiara | 3 | Nagari | |
| 13.06.03 | Tanjung Raya | 9 | Nagari | |
| 13.06.09 | Tilatang Kamang | 3 | Nagari | |
| TOTAL | 82 |
Demografi
.jpg)
Jumlah panduduak kabupaten Agam pado sensus taun 2008 mancapai 445.387 urang, tadiri dari 215.097 laki-laki dan 230.290 padusi. Kecamatan Lubuk Basung marupokan kecamatan jo jumlah panduduak paliang banyak yaitu 62.131. Jo laweh wilayah 2.232,30 km² dan diuni dek 445.387 urang, mako dapek dipastikan baso tingkek kapadatan panduduak kabupaten iko adolah 199 urang per km², di mana kecamatan IV Angkek marupokan kecamatan nan paliang tinggi tingkek kapadatan panduduaknyo, yaitu 1.223 urang per km².
Kabupaten iko mamiliki jumlah angkatan karajo 203.799 urang dan sakitar 11.435 urang di antaronyo marupokan pangangguran. Kabupaten iko didominasi dek urang Minangkabau, tapi ado pulo etnis lainnyo cando Jawa jo Batak.
Rujuakan
Pautan lua
| Ado kategori tantang Kabupaten Agam di Wiki Commons |
Caliak panduan wisata Kabupaten Agam di Wikivoyage
- (Indonesia) www.agamkab.go.id Situs web resmi kabupaten Agam
- (Indonesia) (Inggirih) regionalinvestment.com Profil Daerah Kabupaten Agam
- (Indonesia) www.depdagri.go.id Kabupaten Agam Archived 2010-10-18 di Wayback Machine.
- (Indonesia) (Inggirih) www.wilayahindonesia.com Kabupaten Agam Archived 2013-04-12 di Wayback Machine.
This article uses material from the Wikipedia Minangkabau article Kabupaten Agam, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.