Bakaua

Tradisi iko barupo samacam ritual tolak bala nan dilakuan sabalun atau basamoan jo kagatan turun ka sawah atau proses awal mangarajoan sawah. Bakua dilakuan jo mamanjek doa basamo-samo kabakeh Allah SWT sambia bakaliliang kampuang jo mambakar kumayan. Masyarakaik picayo Allah SWT akan malindungi mereka dari sagalo marabahayo jo bencana.

Kini, tradisi bakaua palahan mulai hilang di tangah masyarakaik. Babarapo daerah nan masih malakuan tradisi bakaua yakni daerah Solok, Sijunjung, joTanah Datar.

Sacaro garih gadang, bakaua dibagi ateh duo bagian, yakni bakaua ketek jo bakaua gadang. Pambagian ini tiko mangacu pado gadang atau keteknyo bantuak acara nan dilakuan. Bakaua ketek dilakuan jo acara saderhana indak mambutuahan biayo nan cukuik gadang, sadangkan bakaua gadang dilakuan jo mandabiah sapi (manggoroh) sabagai bantuak jamuan. Bakaua ketek hanyo dihadiri anggota kaluarga, sadangkan bakaua gadang dapek dihadiri satiok masyarakaik nan ado di nagari. Dek baitu, indak mangherankan pado bakaua gadang banyak urang nan datang.

Dalam bakaua, sadoalah patani supakaik turun ka sawah sacaro sarantak. Sabalunnyo, para patani duduak basamo talabiah dulu mangenai wakatu panyalenggaroan. Indak ado sangsi bagi patani nan indak ikuik bakaua. Sebab petani nan manggarap sawah, di lua hari nan alah ditantuan, baiak mandahului atau manyusua, mereka akan rugi surang dek padi nan dulu tabiik atau balakangan, akan menjadi santapan hama takah buruang, manciak, jo pianggang.

Acara bakaua biasonyo dipimpin dek "urang siak" atau pamuko agamo nan ada di nagari. Urang siak nan dipiliah yaitu malalui kasapakatan basamo. Tugasnyo adolah mamimpin warga badoa kabakeh Allah. Mereka badoa kabakeh Allah agar tanaman padi dapek tumbuah subur sarato agar masyarakaik dapek hiduik rukun jo damai tahindar dari bala bencana.

Pakaian nan dipakai dek paserta disasuaian jo tampek palaksanoannyo. Pado acara bakaua ketek nan tampeknyo barado di lokasi kagiatan, mako pakaian kaum laki-Iaki ikuik dalam acara bakaua mamakai pakaian karajo biaso, sadangkan urang siaknyo tetap mamakai pakaian kaagamoan, baiak dalam acara bakaua ketek maupun acara bakaua gadang. Samantaro itu, dalam acara bakaua gadang pakaian bagi kaum laki-laki disasuaian jo status sosialnya di tangah-tangah masyarakaik, sakironyo inyo saurang pangulu mako pakaiannyo haruslah pakaian pangulu. Bagi kaum padusi, tautamo ipa bisan, tetap mamakai baju kuruang basiba barono hitam.

Dalam pajalannnyo tradisi bakaua gadang alah jarang basobok, dek banyak faktor nan manyebaban tradisi iko mulai dilupoan masyarakaik. Selain itu, maso turun ka sawah indak sarantak. Adopun bakaua ketek masih ado dilakuan dek masyarakaik basamo jo acara tolak bala.

Rujuakan

Daftar pustaka

• Silvia Rosa, dkk (2011). Aneka Tradisi Minangkabau Menurut Adat Istiadat Kota Solok. Dinas Pariwisata Solok. 
• "'Bakaua', Ritual Penangkal Bencana Masyarakat Minangkabau Zaman Dulu". Liputan6.com. 20 Maret 2020. Diarsipkan dari versi asli tanggal 2020-08-07. Diakses tanggal 3 Juni 2020. 
• "Tradisi Bakaua Adat di Sijunjung Sumbar, Wujud Syukur Hasil Panen Masyarakat". Tribunnews. 31 Maret 2019. Diarsipkan dari versi asli tanggal 2020-06-03. Diakses tanggal 3 Juni 2020. 
• "Bakaua Adat, Tradisi Syukur Masyarakat Sijunjung - Minangkabaunews". Minangkabaunews. 10 Juli 2018. Diarsipkan dari versi asli tanggal 2020-06-03. 
• "Tradisi Unik Tolak Bala Bakaua Bukit Batu Basi Tanah Datar". Minangkabaunews. 14 Juni 2013. Diarsipkan dari versi asli tanggal 2020-05-01. 
• "Ingin tahu tradisi syukuran masyarakat Sijunjung usai panen". LKBN Antara. 18 Oktober 2018. Diarsipkan dari versi asli tanggal 2020-06-03. Diakses tanggal 3 Juni 2020. 
• "Kearifan Lokal Minangkabau dalam Menghadapi Wabah Virus Corona". Radio Republik Indonesia. 12 Maret 2020. Diarsipkan dari versi asli tanggal 2020-06-03. 

• Tradisi Berkaul, Adat di Nagari Sijunjung di INews TV.