Si ganjua lalai adolah salah satu motif ukiran tradisional Minangkabau.
Motif ko manggambaan sikap-sikap kepribadiaan urang Minangkabau. Manggambaan panampilan nan haluih, tapi mampunyoi kekuatan nan takanduang sangat gadang. Ukiran ko manyirekan kapado masyarakat supayo dapek basikap lamah lambuik, walaupun dirinyo punyo kekuatan nan gadang. Jadi, jan suko manunjukan kelebihan dan indak pado tampeknyo.
Kok bajalan si ganjua lalai
Pado nan pai suruik nan labiah
Samuik tapijak indak mati
Alu tataruang patah tigo
Makasuik dari papatah ko adolah saurang padusi (gadih) nan lamah gemulai jalannyo, hinggo samuik nan tapijak indak mati. Tapi, gadih tasabuik mampunyoi kekuatan nan gadang, jiko jalannyo dihalangi, mako hancualah panghalang tasabuik.
This article uses material from the Wikipedia Minangkabau article Si ganjua lalai, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.