ໝູ່ເກາະມາລູວີນ (ອັງກິດ: Falkland Islands) ຫຼື ໝູ່ເກາະມາວີນັສ (ແອັດສະປາຍ: Islas Malvinas) ເປັນກຸ່ມເກາະຕັ້ງຢູ່ໃນໝູ່ເກາະອັດລັງຕິກໃຕ້ເທິງໄຫຼ່ທະວີບປາຕາໂກນີ ໝູ່ເກາະຫຼັກຢູ່ຫ່າງຈາກແຄມຝັ່ງປາຕາໂກນີທີ່ເສັ້ນຂະໜານປະມານ 52° ໃຕ້ ໄປທາງຕາເວັນອອກປະມານ 500 ກິໂລແມັດ ກຸ່ມເກາະມີພື້ນທີ່ 12,173 ຕາລາງກິໂລແມັດ ປະກອບດ້ວຍເກາະມາລູວີນຕາເວັນອອກ, ມາລູວີນຕາເວັນຕົກ ແລະ ເກາະທີ່ນ້ອຍເກາະອື່ນອີກ 776 ເກາະ.
ໝູ່ເກາະດັ່ງກ່າວເປັນດິນແດນພົ້ນທະເລຂອງສະຫະລາຊະອານາຈັກ ມີລະດັບການປົກຄອງຕົນເອງພາຍໃນສູງ ໂດຍມີສະຫະລາຊະອານາຈັກຮັບປະກັນລັດຖະບານທີ່ດີ ແລະ ຮັບຜິດຊອບທາງດ້ານການປ້ອງກັນໄພ ແລະ ການຕ່າງປະເທດ. ເມືອງຫຼວງ ແມ່ນ ສະແຕນລີໃນເກາະມາລູວີນຕາເວັນອອກ.
ໝູ່ເກາະມາລູວີນ Falkland Islands (ອັງກິດ) | |
---|---|
ຄຳຂວັນ: Desire the right (ປາຖະໜາຄວາມຍຸຕິທຳ) | |
ເພງຊາດ: ກັອດເຊບເດິຄິງ (ເພງສັນລະສັນພະບາລະມີ) ເພງປະຈຳຊາດ:Song of the Falklands (Marcha de las Malvinas) (ຢ່າງບໍ່ເປັນທາງການ) | |
ເມືອງຫຼວງ ແລະ ເມືອງໃຫຍ່ທີ່ສຸດ | ສະແຕນລີ |
ພາສາລັດຖະການ | ພາສາອັງກິດ |
ການປົກຄອງ | ລັດຖະບານອານານິຄົມໃນລະບົບລັດຖະສະພາແບບລາຊາທິປະໄຕພາຍໃຕ້ລັດຖະທຳມະນູນ |
• ພະມະຫາກະສັດ | ສົມເດັດພຣະເຈົ້າຊາລສ໌ທີ 3 |
• ຜູ້ວ່າລາຊະການ | ອາລິສັນ ເບຼກ |
ສະພານິຕິບັນຍັດ | ສະພານິຕິບັນຍັດແຫ່ງໝູ່ເກາະມາລູວີນ |
ອານານິຄົມພົ້ນທະເລຂອງສະຫະລາຊະອານາຈັກ | |
ພື້ນທີ່ | |
• ລວມ | 12,173 ຕາລາງກິໂລແມັດ (4,700 ຕາລາງໄມລ໌) (162) |
0 | |
ປະຊາກອນ | |
• 2555 ປະມານ | 2,841 (220) |
0.26 ຕໍ່ຕາລາງກິໂລແມັດ (0.7 ຕໍ່ຕາລາງໄມລ໌) (241) | |
GDP (ອຳນາດຊື້) | 2548 (ປະມານ) |
• ລວມ | 75 ລ້ານໂດລາສະຫະລັດ (223) |
• ຕໍ່ຫົວ | 55,400 ໂດລາສະຫະລັດ (7) |
ຈີນີ (2010) | 34.17 ປານກາງ · 64 |
HDI (2010) | 0.874 ສູງຫຼາຍ · 20 |
ສະກຸນເງິນ | ປອນມາລູວີນ1 (FKP) |
ເຂດເວລາ | UTC-4 |
• ລະດູຮ້ອນ (ເວລາອອມແສງ) | UTC-3 |
ຂັບລົດດ້ານ | ຊ້າຍມື |
ລະຫັດໂທລະສັບ | 500 |
ລະຫັດອິນເຕີເນັດ | .fk |
1ຜູກຕິດກັບຄ່າເງິນປອນສະເຕີລິງ (GBP) |
ມີການໂຕ້ຖຽງວ່າດ້ວຍການຄົ້ນພົບໝູ່ເກາະມາລູວີນຄັ້ງທຳອິດ ແລະ ການລ່າອານານິຄົມໂດຍຊາວເອີຣົບໃນເວລາຕໍ່ມາ, ຫຼາຍຊ່ວງ ໝູ່ເກາະມີນິຄົມຝຣັ່ງ, ອັງກິດ, ແອັດສະປາຍ ແລະ ອາກຊັງຕີນ ອັງກິດສະຖາປະນາການປົກຄອງອີກຄັ້ງໃນປີ ຄ.ສ 1833 ເຖິງແມ່ນວ່າອາກຊັງຕີນຈະຍັງຄົງອ້າງສິດເໜືອໝູ່ເກາະຕໍ່ໄປ ໃນປີ ຄ.ສ 1982 ຫຼັງການບຸກຄອງໝູ່ເກາະຂອງອາກຊັງຕີນ ເກີດສົງຄາມມາລູວີນທີ່ບໍ່ມີການປະກາດສົງຄາມຍາວນານສອງເດືອນລະຫວ່າງອາກຊັງຕີນ ກັບ ສະຫະລາຊະອານາຈັກ ຈົນມາຮອດກອງກຳລັງອາກຊັງຕີນທັງໝົດຍອມຈຳນົນ ແລະ ການຄືນໝູ່ເກາະໃຫ້ຢູ່ໃນການປົກຄອງຂອງອັງກິດ.
ປະຊາກອນໝູ່ເກາະມາລູວີນ ເຊິ່ງປະເມີນຢູ່ທີ່ 2,841 ຄົນ ປະກອບດ້ວຍຊາວໝູ່ເກາະມາລູວີນທ້ອງຖິ່ນເປັນຫຼັກ ສ່ວນຫຼາຍມີເຊື້ອສາຍອັງກິດ ຊາດພັນອື່ນ ໄດ້ແກ່ ຝຣັ່ງ, ຈິບຣານຕາ ແລະ ສະກັງດີນາວີ ການເຂົ້າເມືອງຈາກສະຫະລາຊະອານາຈັກ ແຊັງເຮເລນາ ແລະ ຊີເລເຮັດໃຫ້ໝູ່ເກາະມີປະຊາກອນເພີ່ມຂຶ້ນ ຈາກເດີມທີ່ຫຼຸດລົງ ພາສາເດັ່ນ ແລະ ພາສາລັດຖະການ ແມ່ນ ພາສາອັງກິດ ພາຍໃຕ້ພະລາຊະນິຕິບັນຍັດສັນຊາດອັງກິດ ປີ ຄ.ສ 1983 ຊາວໝູ່ເກາະມາລູວີນເປັນພົນລະເມືອງອັງກິດຕາມກົດໝາຍ.
ໝູ່ເກາະຢູ່ບ່ອນແນວແບ່ງເຂດລະຫວ່າງເຂດລັກສະນະອາກາດເຄິ່ງຂົ້ວໂລກເຂດມະຫາສະໝຸດກັບເຂດອົບອຸ່ນມະຫາສະໝຸດ ໂດຍເກາະຫຼັກທັງສອງມີເຂດພູສູງເຖິງ 700 ແມັດ ໝູ່ເກາະເປັນທີ່ຢູ່ຂອງປະຊາກອນນົກຂະໜາດໃຫຍ່ ເຖິງແມ່ນວ່ານົກຫຼາຍຊະນິດຈະບໍ່ປະສົມພັນໃນເກາະຫຼັກອີກຕໍ່ໄປເພາະຜົນຂອງຊະນິດພັນທີ່ນຳເຂົ້າມາ ກິດຈະກຳທາງເສດຖະກິດຫຼັກ ເຊັ່ນ: ການຫາປາ, ການທ່ອງທ່ຽວ, ການລ້ຽງແກະໂດຍເນັ້ນການສົ່ງອອກຂົນແກະຄຸນນະພາບສູງ ແລະ ການສຳຫຼວດນ້ຳມັນ ເຊິ່ງລັດຖະບານໝູ່ເກາະມາລູວີນເປັນຜູ້ອອກໃບອະນຸຍາດ ຍັງໂຕ້ຖຽງກັນອັນເປັນຜົນຈາກຂໍ້ຂັດແຍ້ງທາງທະເລກັບອາກຊັງຕີນ.
Falkland Islands ຈາກ Wikivoyage
This article uses material from the Wikipedia ລາວ article ໝູ່ເກາະມາລູວີນ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.